Actualidade A Coruña, 12 de marzo de 2008 O 31 de marzo manifestaranse diante do Concello de A Coruña Os traballadores de Albada irán a folga o 12 de abril   CIG-Comunicación- cig.prensa@galizacig.com   Os representantes dos empregados presentarán unha denuncia ante a Inspección de Traballo para que investigue a coordinación de actividades empresariais na planta de Nostián entre a empresa matriz e a rede de auxiliares que operan no centro.   Os traballadores da planta de tratamento de residuos sólidos urbanos de A Coruña que xestiona a empresa Albada irán á folga o 12 de abril como medida de protesta para que a dirección sente a negociar o Convenio Colectivo. O Comité de Empresa tamén acordou realizar unha manifestación o 31 de marzo diante do Concello de A Coruña, na Praza de María Pita, ás 10:30 horas. Do mesmo xeito, os representantes dos empregados presentarán unha denuncia ante a Inspección de Traballo para que investigue a coordinación de actividades empresariais na planta de Nostián entre a empresa matriz e a rede de auxiliares que operan no centro, máxime despois do accidente laboral ocorrido na madrugada do oito de marzo onde un operario dunha subcontrata resultou ferido grave. Ademais, o Comité de Empresa interporá outra denuncia ante o mesmo organismo se no prazo de cinco días Albada non aporta información relativa ao balance económico dos exercicios 2007, 2006, 2005, 2004, 2003, 2002, 2001 e 2000. Por último, o Comité de Empresa de Albada reunirase o 1 de abril para realizar os preparativos da folga do día 12 dese mes.

Confederación Intersindical Galega www.galizacig.com ÚLTIMA REVISIÓN: 12/03/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta