|
Actualidade CIG-Comunicación- Os datos recollidos no informe amosan unha evolución positiva, durante o ano 2007, tanto polo incremento de ocupadas e ocupados como por apreciarse un descenso da temporalidade. Os propios datos do paro presentan, en principio unha evolución positiva. De media durante o período analizado descendeu un 8,4%, “descenso que beneficiou en maior medida ás mulleres fronte aos homes, 3,7 e 11,5% respectivamente”, sinala Natividade López Gromaz. Porén, a responsábel do Gabinete Técnico da CIG matiza que a evolución trimestral xa non presenta un panorama tan alentador. “Prodúcese un descenso importante até o terceiro trimestre, no cal hai un repunte importante do desemprego que afecta exclusivamente ás mulleres”. López Gromaz advirte que “a maior inestabilidade laboral das mulleres fai que sexan as primeiras afectadas por calquera cambio na economía”. A isto engade que “hai un novo colectivo no mercado de traballo en Galiza que, xunto coas mulleres, é especialmente vulnerábel; trátase dos estranxeiros”. Así salienta que só no que atinxe ás taxas de paro, a dos homes estranxeiros foi de media do 12,8% en 2007 e a das mulleres do 18,1%, “lonxe, como vemos, dos valores medios”.
|
|||||||||
|
|||||||||
|
|
|||||||||
|
