Actualidade A Coruña, 8 de marzo de 2008 Os empresarios de sector acordaron constituírense en asociación patronal Suspéndese a segunda xornada de folga nas instalacións deportivas coruñesas   CIG-Comunicación- cig.prensa@galizacig.com   Os traballadores, reunidos en asemblea, decidiron por inmensa maioría desconvocar o paro do 8 de marzo. Porén, advirten que permanecerán vixiantes para que se cumpran os compromisos. (Foto: ©galizacig.com).   O persoal das instalacións deportivas da provincia de A Coruña decidiu en asemblea suspender a xornada de folga programada para o 8 de marzo. Nunha mediación do Consello Galego de Relacións Laborais, os empresarios do sector aceptaron constituírense como asociación patronal, requisito indispensábel para poder negociar o convenio colectivo coa parte social. O Consello Galego de Relacións Laborais asumiu, na mediación realizada na mañá do 7 de marzo, o compromiso de convocar no prazo dun mes a asociación patronal legalmente constituída para conformar a mesa de negociación do convenio do sector. Por tanto, os traballadores, reunidos en asemblea na noite dese mesmo día, decidiron por inmensa maioría desconvocar o paro do 8 de marzo. Porén, advirten que permanecerán vixiantes para que se cumpran os compromisos. Asemade, son conscientes de que, pese a esta primeira vitoria, o conflito non fixo máis que comezar.

Informacións relacionadas 06/03/2008 Os traballadores conseguiron que non abrisen piscinas, pavillóns, campos de golf ou de fútbol A primeira xornada da folga nas instalacións deportivas é secundada polo 95% dos empregados 04/03/2008 Os traballadores ratifican por inmensa maioría os paros dos días 5 e 8 de marzo O persoal de Deportes da provincia coruñesa mobilízase de cara á folga 23/11/2007 Demandan un convenio colectivo propio Os traballadores do sector de Deportes trasladan as súas protestas até a Xunta

Confederación Intersindical Galega www.galizacig.com ÚLTIMA REVISIÓN: 08/03/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta