2 de abril de 2000: X Aniversário CIG
Dez anos de compromiso coa clase traballadora

CIG: Dez anos de compromiso coa clase traballadoraIntroduccion

O 2 de abril de 1990, as dúas centrais sindicais nacionalistas daquela existentes (INTG e CXTG), constituíamos, en Santiago de Compostela, a Converxencia Intersindical Galega, como base sobre a que apenas catro anos despois, se producé a unificación orgánica na Confederación Intersindical Galega. Cúmprense pois, este 2 de abril de 2000, dez anos de compromiso coa clase traballadora da nosa Nación. Dez anos nos que se produce un importante medre na representatividade do noso sindicalismo. Unha década caracterizada por un forte incremento de afiliación. Indicativos ámbo-los dous de que a CIG é a ferramenta na que confian miles e miles de traballadoras e traballadores galegos.

Lonxe de autocomplacencia, desde a consciencia das limitacións, pero cunha enorme dose de confianza nas forzas transformadoras e de progreso que residen na clase traballadora, agardamos no porvir continuar a senda de crecemento, dotarmonos de máis e mellores medios para sermos máis eficaces fronte ós retos, novos e vellos, que teñen diante de si Galicia e a nosa clase. É certo que inda non logramos ser o primeiro sindicato en Galicia, pero estamos seguros de contar coa mellor materia prima para eso: as mulleres e os homes que diariamente, co seu compromiso, fan da CIG un sindicato imprescindible para o noso país.

Escolma cronolóxica

1990

 02/04Constitue-se a Converxencia Intersindical Galega (CXTG-INTG).
21-22/04IV Congreso da INTG, en Poio. Unidos no futuro.
01/05Centenario do 1º de Maio. A Converxencia convoca mobilizacións en toda Galicia.
NovembroA CIG participa no XII Congreso Sindical Mundial (FSM).

1991

 XaneiroNas eleccións sindicais de 1990 a CIG acada 3.552 representantes (23,6%), cun notable incremento sobre os resultados de 1986/7 (2.359 e un 21,1%).
FebreiroCIG, CCOO e UGT asinan un acordo xeral para a negociación colectiva de 1991.
MarzoCIG, UGT e CCOO asinan un documento de Medidas de Política Industrial.
PrimaveraFolga de 13 días no metal de Pontevedra.
14/04Folga xeral en Valdeorras e Quiroga polo convenio da Lousa.
12/06Mobilizacións unitarias de representantes sindicais en toda Galicia.
10-13/07Asínase en Vigo, documento que establece relacións formais entre CIG e ELA-STV.
Verán42 días de folga no sector da Lousa.
02/12Mobilización nacional en Compostela, contra o paro e pola reindustrialización, convocada polos sindicatos obreiros e labregos.
17/12Folga xeral comarcal en Ferrol, por un Plan Integral de desenvolvemento.

1992

 18/01Congreso extraordinario da CXTG en Narón. Adiante no camiño da unidade.
04/03Asínase, no marco do Consello Galego de Relacións Laborais, o Acordo interprofesional sobre procedimentos extraxudiciais de solución de conflictos colectivos, entre os sindicatos representativos e a patronal galega.
02/04Folga xeral nacional, convocada polos sindicatos obreiros e labregos, en resposta á crise industrial, agraria e pesqueira.
XuñoA CIG participa por vez primeira na Conferencia Internacional do Traballo, da OIT.
02/07Asemblea nacional unitaria (CIG, UGT, CCOO) de representantes sindicais, en Compostela.
23/10Asínanse os Acordos Xunta-Sindicatos (CIG,CCOO e UGT).
16-17/01III Congreso da CXTG, en Vigo. Construir o futuro sindical.

1993

 08/03Mobilizacións do Día Internacional da Muller Traballadora, as respectivas secretarías da Muller de INTG, CXTG, CCOO e UGT publican un manifesto conxunto.
02/04Xornada pola Europa Social, convocada pola Confederación Europea de Sindicatos. A maior mobilización de Europa dáse en Vigo (40.000 participantes), convocada por CIG, CCOO e UGT.
24-25/04Celébrase en Vigo o V Congreso da INTG. Cuestión de confianza.
XuñoFolga no sector de Transporte de Viaxeiros en Pontevedra.
10/115.000 persoas maniféstanse en A Coruña, convocadas pola CIG, contra a reforma laboral.
27/11Masivas manifestacións en tódalas cidades de Galicia, convocadas pola CIG, contra a reforma laboral.
NovembroA CIG participa no XXIII Congreso da Conferación Mundial do Traballo (CMT).

1994

 XaneiroPosta en marcha do servicio de atención a inmigrantes e emigrantes retornados.
27/01Folga xeral no Estado contra a reforma laboral (CIG, CCOO e UGT).
19/03I Congreso da Confederación Intersindical Galega, en Santiago. Sumando esforzos.
SetembroPublícase o primeiro número de Tempo Sindical, voceiro da CIG.
13-15/10Celebración en Vigo, organizado pola CIG, do Congreso Galego de Saúde Laboral.
21-26/11A CIG participa no XIII Congreso da FSM, en Damasco.

1995

 FebreiroA CIG impulsa a unidade de acción, propoñendo a Plataforma Galega de Acción Sindical.
AbrilMobilizacións en Compostela e Madrid, pola chamada guerra do fletán.
14/06Manifestación nacional en Compostela, de 3.000 representantes sindicais da CIG, en defensa do empego, de convenios en Galicia e da Plataforma Galega de Acción Sindical.
1995Conflicto banco canario-sahariano. Folga xeral no Morrazo.
25/11Miles de persoas mobilízanse en Santiago, convocadas pola CIG, Polo futuro de Galicia.

1996

 XaneiroResultados das eleccións sindicais de 1994/5. A CIG acada 3.924 representantes (26,6%).
30/01Constitúese o Consello Económico e Social de Galicia.
OutonoDous meses de mobilizacións en As Pontes, que culminan cunha folga xeral.
NovembroPeches de representantes sindicais da CIG, contra as empresas de traballo temporal.
Nov/DecFolgas e mobilizacións en defensa do sector e dos servizos públicos.
14/12Mobilización nacional da CIG en Compostela, despois das realizadas nas principais cidades galegas, para parar as agresións á clase traballadora.

1997

 10/03Mobilizacións en toda Galicia. Cúmplense 25 anos do Día da Clase Obreira Galega.
AbrilInicia a súa andadura a fundación FORGA, para a formación ocupacional e continua.
31/05-01/6II Congreso da CIG. En Galiza, no traballo, o sindicalismo máis noso.
11/09Conferencia nacional de organización da CIG, en Santiago.
26-29/11Celébrase en Vigo a XII Conferencia internacional da UITBB (construcción e derivados).

1998

 14/02Mobilización unitaria en Compostela, en defensa das libertades fundamentais.
16/05Mobilización en Santiago, na víspora do Día das Letras Galegas, pola total normalización do noso idioma. 5.000 galegos e galegas contra a política lingüística do PP.
17-18/06Os sindicatos nacionalistas ELA, LAB, IC e CIG, asinan un documento de políticas comúns en Compostela.
28/11Mobilización nacional polo emprego en Santiago.

1999

 XaneiroComeza a ser operativo o Fondo de Solidariedade da CIG.
MarzoFolga durante 13 dias, no sector de Transporte de Viaxeiros de A Coruña.
26/05-09/06Folga dos traballadores das auxiliares do sector naval na provincia de Pontevedra. En Outono, segunda fase da folga, nas empresas que non cumpriron co asinado en xuño.

2000

 XaneiroA CIG obtén 4.182 delegados/as (25,2%) nas eleccións sindicais, a data 31/12/99.
09/02Folga xeral en Tui, para apoiar ós traballadores de Gesrubber.
MarzoAnúnciase pola CIG unha campaña contra a precariedade laboral, que se desenvolverá durante todo o ano 2000.
04/04Conmemórase en Compostela, o X Aniversario da fundación da CIG, cun encontro nacional de representantes sindicais e unha manifestación polo traballo digno, contra a precariedade.



Volver ao princípio


Ir á páxina de inicio
Confederación Intersindical Galega

ÚLTIMA REVISIÓN: 31/03/2000