Confederación Intersindical Galega | por unha Galiza ceibe e sen explotación!

Perderanse 215 postos de traballo no téxtil da automoción

As traballadoras de Prevent en folga contra a deslocalización maniféstanse polas rúas de Vigo contra o traslado a Marrocos

/avantar/Folga mani prevent 2/12/2008 III

As traballadoras da empresa Prevent, que realiza fundas para asentos para Citroën, estaban convocadas o 2 de decembro a unha xornada de folga na súa factoria de Mos, contra a deslocalización. Aproveitando esta data realizaron unha manifestación, que percorreu as principais rúas de Vigo e que rematou fronte ao edificio da Xunta de Galiza nesta cidade, para denunciar a deslocalización e o próximo peche da súa planta para ser trasladada a Marrocos, o que provocará a perda dun total de 215 postos de traballo.

A publicación recolle 12 viñetas de seis debuxantes galegos que realizan unha análise da situación do idioma

Fesga presenta o caderno gráfico “O galego con humor”

“A través dunha ilustración pódese facer unha tese sobe a realidade da lingua”. Con esta premisa o Secretario Xeral da CIG, Suso Seixo, o Secretario Confederal de Formación Sindical, Manuel Mera, e o debuxante Luís Davila, presentaron esta mañá o caderniño “O galego con humor”, unha publicación composta por doce viñetas de seis humoristas gráficos galegos, a través da que se quere facer unha chamada “á necesidade de avanzar no uso social do idioma”.

A central contará cun espazo propio na Carpa dos Movementos Sociais

A CIG estará presente no Foro Social Galego organizando debates e comunicacións

O Foro Social Galego, que por primeira vez se vai celebrar na Galiza, entre o 5 e 7 de decembro, conta xa con máis dun centro de adhesións de colectivos sociais e persoas a título individual. A CIG vai ter unha presenza activa neste encontro a través da organización de actividades, asistencia ás sesión plenarias e coa colocación dunha caseta propia na Carpa dos Movementos Sociais.

Contra a crise e na defensa dunha organización forte

Celébrase o II Congreso da FGAMT, cun amplo consenso e apoio á candidatura encabezada por Xosé Fernández Piñeiro

O sábado 29 de novembro tivo lugar o II Congreso da FGAMT, que se desenvolveu durante toda a xornada no Hotel Coia da cidade de Vigo, cun acordo case que unánime en todas as votacións e debates. Xosé Fernández Piñeiro foi re-elexido secretario nacional desta federación, contando co voto a favor da súa candidatura de 137 congresistas e tan só dunha abstención. A crise económica e as propostas da CIG para enfrontar esta situación estiveron moi presentes neste encontro, no que participou Suso Seixo, secretario xeral da CIG, na súa clausura.

Novo toque de atención á patronal