A manifestación foi convocada pola plataforma cidadá “Queremos Galego” baixo o lema “Paremos os ataques contra o galego”
18/05/2012
Arredor de 25.000 persoas sumáronse
á manifestación convocada pola plataforma cidadá Queremos Galego, na que está
integrada a CIG, baixo o lema “Paremos os ataques contra o galego”. A
mobilización rematou na praza da Quintana, que se quedou pequena para acoller a
todas as persoas desprazadas a Compostela de todas as partes de Galiza.
Delegados e delegadas concentráronse diante do Sergas para denunciar a pretensión do PP de rematar co modelo sanitario público, universal e gratuíto
16/05/2012
Delegados e delegadas de CIG-Saúde concentráronse este martes diante
do edificio do Sergas, en Compostela, para reclamar a retirada do decreto
aprobado polo PP en Madrid e trasladado por Feijóo “submisamente” a Galiza. Un
decreto que, denuncian, pon en perigo o modelo sanitario público, gratuíto e
universal e que terá consecuencias negativas tanto para o persoal como para as
usuarias e usuarios. A convocatoria coincidía coa celebración da mesa sectorial
na que se tratou precisamente este asunto, entre outros.
Carlos Callón: “Non só é un ataque contra a liberdade de opción lingüística, é un ataque contra a liberdade de expresión”
16/05/2012
Representantes da Plataforma
unitaria Queremos Galego comparecían esta mañá en conferencia de imprensa para
denunciar a actitude do concello de Santiago que, con tan só 48 horas de
antelación á manifestación convocada para mañá, Día das Letras Galegas,
comunicaba a denegación dos permisos necesarios para o normal desenvolvemento
da mesma. Isto obrigou a plataforma a presentar un recurso pola vía de urxencia
no contencioso-administrativo. A xustiza concedeu todas as autorizacións
pertinentes.
CIG, CCOO, UGT e CSIF demandan a suspensión da Lei de medidas para o emprego público mentres non se aclare se é constitucional ou non
15/05/2012
As centrais sindicais CIG,CCOO, UGT e CSIF
presentaron o pasado venres perante o Tribunal Superior de Xustiza de Galiza
unha demanda por conflito colectivo pola aplicación da Lei de Medidas para o Emprego Público
que, aseguran, vulnera o V Convenio do Persoal Laboral da Xunta de Galiza. Esta
mañá demandaban ademais, en rolda de prensa conxunta, que, mentres non saia a
sentenza e se aclare a cuestión de constitucionalidade, se suspenda a aplicación
do decreto.
Onte convocaron unha concentración diante das instalacións da empresa, en Touro
16/05/2012
Corenta e un
traballadores da empresa ‘Francisco Gómez e Cia’, quedarán na rúa logo de
executarse o ERE aprobado unilateralmente pola empresa e que foi xustificado en
previsión de perdas futuras. Este martes, os traballadores, apoiados por
representantes da CIG-Construción, concentrábanse diante das instalacións do
grupo en Touro.
Esixen o mantemento dos empregos e das condicións laborais e garantías do carácter público dos servizos
16/05/2012
Traballadores e traballadoras dos centros dependentes da Consellería de Traballo e Benestar e do Consorcio Galego de Igualdade e Benestar recibiron esta mañá cunha sonora pitada á titular do departamento autonómico, Beatriz Mato, á súa chegada ao Concello de Oleiros. A protesta enmárcase no calendario de mobilizacións que a central sindical vén realizando en defensa dos servizos públicos, dos empregos e dunhas condicións laborais dignas para o conxunto do persoal destes centros.
O secretario confederal de Negociación Colectiva da CIG recibiu o apoio e a solidariedade dos seus compañeiros/as ás portas dos xulgados de Vigo
15/05/2012
A Fiscalía decidiu manter a petición de prisión para o secretario confederal de Negociación Colectiva e Saúde Laboral da CIG ao remate do xuízo celebrado este martes en Vigo a pesar de que non quedou acreditada a autoría dos feitos polos que se lle acusa, xunto a outras dúas persoas, de desordes públicos e danos durante a ocupación da estación marítima na folga do metal de 2009. Antolín Alcántara recibiu o apoio e a solidariedade dun nutrido grupo de compañeiros/as da central nacionalista, que se concentraron ás portas dos xulgados para reclamar a súa absolución.
Membros de toda a comunidade educativa manterán a protesta até a mañá do mércores
15/05/2012
Os peches rotativos convocados pola Plataforma Galega en Defensa do Ensino Público continuaron este martes no IES Concepción Arenal de Ferrol tras un exitoso inicio en Compostela e Melide. O peche, no que participan pais e nais, estudantes e docentes, prolongarase dende ás 16:00 horas deste martes até ás 8:00 horas do mércores 16 de maio.
Critican a pasividade do Goberno local do PP e instan o alcalde a defender os dereitos dos veciños/as
16/05/2012
A CIG de Verín reclámalle á Consellería de Sanidade que paralice as xestións encamiñadas a suprimir o servizo de urxencias da vila, situado na rúa Juan Guerra Valdés e critican a pasividade do Goberno local diante dun novo ataque aos servizos públicos por parte da Xunta. Ao mesmo tempo, denuncian que non se está a informar sobre a decisión os veciños/as nin os profesionais que desenvolven o seu labor no centro e esixen a convocatoria dunha xuntanza con todos os sectores implicados.
O Comité de Traballo e Benestar denuncia o desmantelamento e progresiva privatización dos centros da Consellaría
15/05/2012
O Comité de Traballo e Benestar da Coruña desenvolveu este martes unha nova xornada de mobilizacións en defensa dos servizos sociais, das condicións laborais e contra as amortizacións de postos de traballo. Desta volta, as concentracións realizáronse en Ferrol, diante das Escolas Infantís Virxe de Chamorro e Catabois.
O persoal demanda unha reunión urxente co Conselleiro de Industria e que a empresa aclare onde gastou dous millóns de euros
15/05/2012
Os traballadores e traballadoras de Einsa Print cumpren este martes unha semana en folga indefinida, como resposta ao agresivo plan de axustes que a compañía está a levar adiante para amortizar as súas débedas. Esta mañá o persoal desenvolveu unha concentración diante dos edificios da Xunta de Galiza en Ferrol, onde tamén rexistrou un escrito dirixido á Consellaría de Industria para axilizar e concretar a xuntanza solicitada polo Comité co titular do departamento autonómico.
CIG-Servizos convocou este martes unha concentración en Compostela, para exixir que Inditex cumpra os seus compromisos nesta materia
16/05/2012
Traballadoras de Zara e representantes de CIG-Servizos concentrábanse
este martes diante da tenda da multinacional da Praza de Galiza, no centro de
Compostela. Denuncian as consecuencias que ten a decisión da empresa de aplicar
a reforma laboral para fixar horarios nuns casos e reducir xornadas, noutros,
para a conciliación da vida laboral e familiar do seu persoal.
CIG, CCOO e UGT esíxenlle a Xunta e Goberno español que fagan unha aposta política seria para salvar unha industria estratéxica para Galiza
12/05/2012
Máis de 10.000 persoas manifestáronse hoxe polas rúas de Vigo convocadas polos tres sindicatos maioritarios da comarca -CIG, CCOO e UGT- para reclamarlle a Xunta e Goberno español “medidas urxentes” que permitan salvar o sector naval. En concreto, apostan polo desbloqueo do tax lease, pola recuperación do sistema de crédito e avais ás empresas e polo apoio a equipos humanos e financeiros con capacidade real de xestión.
VENCEREMOS NÓS | o proceso a Antolín e a represión ao met...
O Telemárketing mobilízase por un convenio xusto (Vigo, 11...
Correlingua 2012 en Vigo 
