A conferencia sindical celebrada este martes en Compostela aprobou por aclamación a mobilización
07/02/2012
O
secretario xeral da CIG compareceu en rolda de prensa xunto ao responsábel de Comunicación e Propaganda para anunciar a convocatoria dunha xornada de folga xeral nacional para a última semana
do mes de marzo. A decisión foi adoptada practicamente por aclamación -só houbo sete abstencións- durante a conferencia
sindical que se celebrou en Santiago de Compostela este martes e
na que participaron máis de 350 dirixentes da central nacionalista. A data definitiva será consensuada coas distintas organizacións sindicais que decidan sumarse á mobilización.
CIG, CCOO, UGT e CSI-F non descartan convocar folga en todas as administracións se o Goberno Galego continúa adiante co Anteproxecto de Lei
07/02/2012
Representantes de CIG, CCOO, UGT e CSI-F nas diferentes administracións públicas galegas compareceron este martes en rolda de prensa conxunta para anunciar a convocatoria de mobilizacións en contra do Anteproxecto de Lei de Medidas no Emprego Público que prepara a Xunta. As organizacións sindicais realizarán concentracións todos os xoves de febreiro para amosar o seu rexeitamento a estes novos recortes nas condicións laborais e salariais e non descartan convocar folga en todas as administracións se o Goberno galego non retira este decreto.
Quere frear o proceso de privatizacións e recortes emprendidos polo goberno do PP
08/02/2012
A
Plataforma SOS Sanidade Pública vén de anunciar o inicio da recollida de
sinaturas para presentar unha Iniciativa Lexislativa Popular no Parlamento de
Galiza e frear a política de “recortes e privatizacións” do PP. A Plataforma,
que terá que xuntar un mínimo de 15.000 sinaturas, quere preservar a xestión pública
directa dos centros sanitarios, potenciar a Atención Primaria, a promoción da
saúde como alternativa á crise e as áreas sanitarias como espazo para a
planificación e a xestión dos recursos.
As organizacións sindicais elaboraron unha declaración e asumiron unhas liñas de traballo para este ano
08/02/2012
Arredor de 600 persoas chegadas de todos os
continentes participaron na 37ª
Conferencia de Coordinación e Solidariedade co Pobo Saharauí, reunida na cidade
de Sevilla, os días 3, 4 e 5 de febreiro. Como vén sendo habitual, as
organizacións sindicais participantes elaboraron unha declaración e asumiron
unhas liñas de traballo para este ano 2012. Estas reflexións terán continuidade
durante o Congreso da UGTSARIO, a celebrar no mes de outubro nos campamentos de
refuxiados.
Este mércores percorren os 16 quilómetros que separan Miño de Oleiros e mañá realizarán unha manifestación masiva até a Delegación do Goberno
08/02/2012
Un pouco cansos pero co ánimo intacto, os traballadores/as do naval continuaron este mércores a marcha até a Coruña en demanda de solucións para a crítica situación que está a vivir o sector na ría de Ferrol. A segunda xornada de camiño, á que se uniron máis traballadores, cubrirá os 16 quilómetros que separan o Concello de Miño do Concello de Oleiros, onde esta tarde manterán un encontro co alcalde e onde tamén pasarán a noite.
A Unión Comarcal repite, ao remate do período electoral, como primeira forza sindical ao acadar o 32.6% da representación
08/02/2012
A CIG de Ferrol compareceu este mércores en rolda de prensa para informar dos novos actos programados con motivo da campaña “Hai alternativas”, que a central sindical iniciou o pasado ano, e como antesala das mobilizacións previstas para o Día da Clase Obreira Galega e a convocatoria de folga xeral de finais de marzo. Así mesmo, o voceiro comarcal, Xesús A. López Pintos, e o secretario de organización, Xosé Lois Rivera, tamén informaron que a CIG repite como primeira forza sindical en Ferrolterra ao obter o 32.6% da representación sindical.
A contrata decidiu, de forma unilateral, non aplicar o acordo de incremento salarial pactado para este ano
08/02/2012
O Comité de
Empresa de CLECE S.A., empresa adxudicataria do servizo de limpeza da
Universidade de Santiago vén de denunciar que esta contrata incumpriu o
principio de negociación colectiva ao decidir, de forma unilateral, anular o acordo
de incremento salarial pactado para este ano. Isto súmase á posibilidade de que
a empresa recorra a un ERE de redución de xornada e salario que afectaría a todo
o persoal, por mor da decisión da USC de reducir, nun millón de euros, o
orzamento que destinaba á contrata.
Require do concello e de TUSSA que se vixíe o estrito cumprimento da lexislación laboral, do prego de condicións e do contrato
08/02/2012
A CIG de TRALUSA (empresa adxudicataria do
transporte urbano de Compostela) denuncia que a reestruturación das liñas do
transporte urbano vai favorecer a amortización de 5 cinco postos de traballo. Os
representantes da central sindical denuncian tamén que esta reestruturación supón
a ampliación dos traxectos, en varias das liñas, sen que se modifiquen as
frecuencias, o que imposibilita, na práctica, o cumprimento das mesmas. Para a
CIG é inadmisíbel que, para cumprir os horarios, se lle estea requirindo aos traballadores
que fagan o que sexa necesario.
A Fundación Moncho Reboiras-Fesga publica unha vídeo-entrevista co secretario xeral da CTA arxentina
Pablo Micheli sobre a loita en prol do recoñecemento da “personería gremial” e da situación actual da clase traballadora no país latinoamericano
07/02/2012
A Fundación Moncho Reboiras-Fesga vén de publicar unha entrevista en vídeo con Pablo Micheli, secretario xeral da Central de Traballadores da Arxentina (CTA), que visitou Galiza recentemente convidado pola Confederación Intersindical Galega.
A central denuncia que se están a contabilizar como ocupadas/os a través do programa a persoas que atoparon traballo polo súa propia iniciativa
06/02/2012
A CIG quere desmentir rotundamente as cifras achegadas pola Consellaría de Traballo e Benestar e a Consellaría de Industria a respecto da eficacia e a inserción laboral acadadas a través do programa EmpregaTex. Segundo os datos dados pola Xunta, un total de 200 traballadoras e traballadores afectadas/os por EREs no sector do téxtil atoparon emprego grazas ao programa EmpregaTex.
A mobilización, convocada pola CIG, desenvolveuse en Santiago de Compostela por espazo dunha hora
07/02/2012
Arredor de 150 traballadores e traballadoras dos Centros de Atención Continuada (PAC) participaron hoxe na concentración convocada pola CIG en Santiago de Compostela para denunciar os incumprimentos dos acordos de Atención Primaria por parte do Servizo Galego de Saúde (Sergas).
O Goberno local, do PP, tentou impor unhas condicións laborais sen negociar e á marxe das pactadas no convenio
06/02/2012
O Xulgado Social número 1 de Ourense vén de facer
pública unha sentenza pola que se condena ao Concello de Viana do
Bolo por violación do dereito á negociación colectiva ao tentar
impor unhas condicións laborais ao seu persoal sen negociar e á
marxe das pactadas no convenio colectivo.
O persoal, que rematará a marcha o xoves diante da Delegación do Goberno, reclama ao executivo central e ao galego medidas para conseguir nova carga de traballo
07/02/2012
Uns 150 traballadores e traballadoras de Navantia Ferrol e Fene iniciaron este martes unha marcha a pé que os levará até a Delegación do Goberno na Coruña o vindeiro xoves. Con esta acción reivindicativa, o persoal quere reclamar dos gobernos español medidas urxentes e compromisos reais que permitan dotar de carga de traballo aos dous estaleiros públicos da ría, incluíndo a contratación da sexta fragata e a construción do dique flotante. Dende a Sección Sindical da CIG lembrouse que dende o verán pasado xa se perderon 700 empregos nas industrias auxiliares e que a partir do verán Navantia ficará sen carteira de pedidos.
Análise do novo pacto social. CCOO e UGT asumen a postura d...
Manife en defensa do sector Naval (Vigo, 26/01/12)
