O persoal dos servizos de limpeza dos centros adscritos ao Complexo Hospitalario Universitario de A Coruña continuaron na mañá deste xoves coas protestas iniciadas a pasada semana para reclamar ás empresas adxudicatarias que cumpran cos convenio colectivos e apliquen a equiparación do persoal das contratas ao persoal do Grupo E do Sergas, tal e como está negociado dende hai tres anos.

Os bombeiros de A Coruña retomaron na mañá do 4 de decembro as protestas para reclamar ao Concello a aprobación definitiva do sistema de traballo do Servizo de Extinción de Incendios, que o Goberno municipal ten adiado dende xuño, introducindo en cada ocasión un novo punto a revisar no texto.

Os traballadores e traballadoras de Bunge Ibérica denunciaron que a empresa comezou na mañá deste venres co derrube do teito do silo 4 de formigón, aínda que carece da autorización municipal pertinente. Segundo explicou Ángel Herrero, delegado da CIG na empresa, cando o persoal acudiu esta mañá ás instalacións da fábrica, atopáronse con maquinaria que estaba procedendo ao derrube do teito do silo 4. Inmediatamente comunicaron á Policía Local de Culleredo este feito co obxecto de que se achegase até o lugar para paralizar a demolición.

Na madrugada do xoves ao venres, logo dunha prolongada negociación e co precedente de Pontevedra, acadábase un preacordo para o convenio do comercio da alimentación na provincia de A Coruña entre a patronal, UGT e CCOO, que a CIG non asinou por tratarse dun convenio moi inferior ao de Pontevedra e que afonda nas desigualdades que existen entre os traballadores/as das dúas provincias.

Máis de 50 delegados e delegadas da CIG, xunto co Comité de Empresa de CxG Gestión Operativa, actual Hewlett-Packard Procesos de Negocios, desenvolveron unha concentración na mañá deste mércores diante da oficina principal de Caixa Galicia en A Coruña para esixir á entidade financeira e á multinacional HP garantías para o mantemento do emprego e das condicións laborais de todo o cadro de persoal de CxG.

O persoal dos servizos de limpeza dos centros adscritos ao Complexo Hospitalario Universitario de A Coruña (CHUAC) iniciaron na mañá deste martes 1 de decembro un calendario de mobilizacións para exixir ás empresas concesionarias do servizo o cumprimento estrito dos convenios colectivos. Dende a Federación de Servizos da CIG xa advertiron que de non pórse solución aos reiterados incumprimentos non se descarta a convocatoria folga en todo o complexo hospitalario.

Este sábado, a V Asemblea Comarcal da CIG de A Coruña volvía elixir a Paulo Carril como Secretario Comarcal, ao acadar a súa candidatura 172 dos 187 votos emitidos polos delegados e delegadas que participaron no proceso. Así mesmo, quedou aprobado por unanimidade o Informe de Xestión presentado pola Executiva saínte, no que se reflicte o importante incremento da representatividade e do número de afiliados/as rexistrado nos últimos catro anos.