A CIG e o Comité de Aglomerados Ecar, empresa pertencente ao Grupo Finsa e asentada en Mondoñedo, continúan defendendo a viabilidade da fábrica e amósanse totalmente contrarios ao anuncio de peche da fábrica trasladado pola dirección. A empresa ten intención de presentar un ERE de extinción que suporá o despedimento dos 62 traballadores/as de Ecar.

Máis de mil persoas percorreron o sábado 26 de novembro as rúas de Lugo para esixir da Xunta de Galiza o mantemento do programa Preescolar na Casa, que atende a máis de 4.000 familias en toda Galiza, fundamentalmente no ámbito rural, e no que traballan 43 profesionais. Neste momento, o persoal está sufrindo un ERE que afecta a 38 traballadores/as.

A CIG-Saúde rexeita a decisión da Consellaría de Sanidade de renovar a privatización de parte dos servizos de fisioterapia, logopedia e fisioterapia respiratoria da provincia de Lugo, por importe de 1,5 millóns de euros. A renovación deste concerto coa clínica Fisioterapia Lugo SL supón detraer cartos públicos para mellor a prestación deste servizo dende o novo hospital de Lugo.

O Comité de Centros da Xerencia de Atención Primaria de Lugo ten convocada unha concentración para o vindeiro 17 de novembro en rexeitamento á política de contratacións realizada pola dirección e que denuncia está “caracterizado pola diminución drástica das substitucións dos profesionais” e a “violentación da normativa aplicábel en materia de substitucións”.

O novo hospital de Lugo, presentado polo Goberno galego como o estandarte da modernidade, está plenamente sumido na política de recortes aplicada pola Consellaría de Sanidade, segundo denuncia a CIG-Saúde Lugo. Así, os novos servizos prometidos para a área sanitaria, como Hemodinámica ou Radioterapia, continúan sen funcionamento, péchanse servizos e camas, prodúcese un recorte do persoal e as vellas instalacións do complexo hospitalario avanzan no seu deterioro sen que se destinen aos usos comprometidos.

A CIG-Servizos continuou o luns 3 de outubro coas mobilizacións en contra do despedimento de dous traballadores de Suplusa (Sociedade Urbanística Provincial de Lugo S. A.). A empresa, dependente da Deputación de Lugo, rescindiu o contrato a estes empregados o pasado xullo, logo de que acudisen aos xulgados a reclamaren os seus dereitos.

A CIG-Servizos levou a cabo, este mércores, unha concentración diante da Deputación Provincial de Lugo para amosar o seu rexeitamento aos dous despidos que se produciron o pasado mes de xullo na empresa  SUPLUSA (Sociedade Urbanística Provincial de Lugo S.A.) entidade dependente da Deputación de Lugo. Esta empresa despediu a dous traballadores por reclamar  diante do Xulgado do Social o abonamento dos salarios de xardineiros, que é a categoría coa que está contratado o persoal de Suplusa malia só aboárenlles os salarios de axudante de xardineiro. Xa existe sentenza xudicial que estima na súa totalidade a reclamación destes traballadores.