A Plataforma Galega en Defensa do Ensino Público continúa este xoves cos peches rotatorios que se están a realizar por todo o País contra os recortes no ensino que pretenden aplicar os gobernos do PP no Estado e na Xunta. Esta xornada, a protesta trasladouse até o IES Ánxel Fole, en Lugo, onde unhas 100 persoas da comunidade educativa e das organizacións integradas na Plataforma iniciaron un encerro por volta das 16:00 horas, que permanecerá activo até ás 08:00 horas do venres 25 de maio.

A Xunta de Galiza publicou o pasado venres o Plan de ordenación de Recursos Humanos, que recolle nun texto ambiguo o que o Goberno de Núñez Feijoo “non se atreveu a publicar como decreto de xestión integrada (área única)”. A secretaria da CIG-Saúde de Lugo, Carmen Aira, a responsábel da Federación na Mariña, Pilar Méndez, e o responsábel na Unión Local de Monforte, Vicente Vázquez, denunciaron nun comunicado que isto suporá a descapitalización dos hospitais comarcas, a perda de servizos e de profesionais sanitarios.

A CIG-Saúde de Lugo amosou o seu absoluto rexeitamento ás pretensións da Xerencia do Hospital de pechar 105 camas durante os meses de xullo e agosto, e 68 durante o mes de setembro, ás que hai que sumarlle as 23 camas que permanecen sen uso na unidade de pediatría. Dende a Federación da CIG denuncian que esta medida, adoptada baixo a escusa do aforro, precarizará o servizo sanitario prestado e afonda no camiño da privatización da sanidade e os servizos públicos.

Desde a CIG de Lugo vénse de denunciar a actitude e comportamento antisindical do responsábel do Centro Comercial As Termas, quen hoxe á mañá ameazou e empurrou a afiliados da CIG que estaban a facer un reparto de material informativo sobre a Folga Xeral.

O Comité de centros de Atención Primaria de Lugo denunciou, unha vez máis, a “nefasta xestión” da Xerencia no referente á substitución dos/as profesionais da distintas categorías e denunciar o “abuso do bloqueo de axendas”, provocando así listas de agarda. Ademais, o Comité manifesta o seu rexeitamento ao gasto económico do novo sistema de citas implantado que, ao seu entender, carece de efectividade.

A CIG e o Comité de Aglomerados Ecar, empresa pertencente ao Grupo Finsa e asentada en Mondoñedo, continúan defendendo a viabilidade da fábrica e amósanse totalmente contrarios ao anuncio de peche da fábrica trasladado pola dirección. A empresa ten intención de presentar un ERE de extinción que suporá o despedimento dos 62 traballadores/as de Ecar.

Máis de mil persoas percorreron o sábado 26 de novembro as rúas de Lugo para esixir da Xunta de Galiza o mantemento do programa Preescolar na Casa, que atende a máis de 4.000 familias en toda Galiza, fundamentalmente no ámbito rural, e no que traballan 43 profesionais. Neste momento, o persoal está sufrindo un ERE que afecta a 38 traballadores/as.