O 15 de setembro, representantes sindicais da CIG concentráronse ante a oficina do Banco Pastor en Maside (Ourense) para protestar pola persecución á que está sendo sometido un delegado por parte do Director desta sucursal.

A CIG Administración local do Carballiño realizou un comunicado de prensa para esclarecer cal é a situación na que se encontra a oferta pública de emprego neste concello de Ourense, no que o Goberno local se negou a negociar coas centrais sindicais estes novos postos de persoal para a administración local, e polo que se ten cursado xa unha impugnación contra a primeira RPT que se fixo pública no mes de xuño.

As centrais sindicais CIG e CCOO presentaron diante da Inspección de Traballo e de Industria dúas denuncias pola situación que se está a vivir na pizarreira de Valdeorras Ipisa, na que existe unha falta de medidas de saúde laboral e onde os traballadores e traballadoras levan tres meses sen percibir o seu salario. A falta de medidas de protección e de seguridade, uns vestiarios carentes de hixiene ou a arrogancia amosada pola empresa ao longo dos últimos meses neste conflito son algúns dos feitos relatados, e que levaron a estes traballadores e traballadoras a convocar un paro para o 16 de setembro

Ademais dos continuos despedimentos individuais e finalizacións de contratos temporais, a CIG salienta que no ano 2008 o aumento que se está a producir de expedientes de regulación de persoal (suspensións temporais e despedimentos colectivos).

As centrais sindicais CIG, CCOO e UGT convocan unha mobilización en Quiroga o venres dia 12 de setembro ás 18:00 horas, en apoio aos traballadores e traballadoras das pizarreiras desta zona, aos que non se lles está a pagar o seu salario.

As traballadoras e traballadores de Iberoitaliana de pizarras (Ipisa), acordaron en asemblea que tivo lugar o sabado dia 6 de setembro no Barco de Valdeorras, continuar coas mobilizacións polo retraso continuado nos cobros dos salarios ( nestes momentos a empresa debe as mensualidades de xullo, mais a extra e o mes de agosto, e a outros incluso o mes de xuño) xa que a empresa lonxe de querer arranxar o problema por medio do dialogo cos representates dos traballadores/as, está a facer unha politica de enfrontamento entre o persoal, para dividilos e manter asi a produción e que os/as traballadores/as non se mobilicen.

Un ano despois do gravísimo accidente nas obras do AVE, no que faleceu un traballador e outros catro resultaron feridos cando se derrubou un importante tramo do viaduto en Pol, O Carballiño, aínda segue habendo puntos escuros na resolución definitiva do proceso xudicial e, o que aínda é pior, non se adoptaron as medidas de prevención que garantan a seguridade dos traballadores, o que ten producido, aínda nestes días, novos accidentes e incidentes.