Os traballadores/as afectados/as polo peche da empresa Fabricaciones Metálicas Caldenses (Fameca) de Caldas de Reis protagonizarán unha mobilización na localidade o luns día 27 en protesta polo despido da totalidade do cadro de persoal (20 persoas). A concentración terá lugar na Alameda de 9.00 a 10.00 horas, para a continuación percorrer en manifestación as rúas de vila e rematar fronte as instalacións da compañía Beaver Engineering.

Os mariñeiros da flota cefalopodeira galega en Mauritania animan á cidadanía a participar na manifestación do venres 24 en Marín para reclamar un novo acordo pesqueiro entre a UE e o país africano que lles permita regresar ao traballo. Unha representación dos afectados e da CIG-Mar manterá unha xuntanza co alcalde de Pontevedra para solicitarlle o seu apoio a unha marcha que partirá da Alameda ás 20.30 horas.

O alcalde de Bueu e os grupos municipais de Marín confirmáronlle á CIG-Mar e aos mariñeiros da flota cefalopodeira en Mauritania o seu apoio á manifestación convocada o venres 24 de maio para reclamar un acordo entre a UE e o país africano que permita faenar aos barcos galegos. A marcha partirá da Alameda de Marín ás 20.30 horas.

Os comités de empresa de Ence nas fábricas de Pontevedra, Huelva e Navia (Asturies) e das oficinas centrais reclámanlle á dirección do grupo que retire “a actual pretensión de reducir o cadro de persoal” xa que as causas económicas e de cambio nas tarifas eléctricas esgrimidas pola empresa “quedan totalmente refutadas no comunicado feito público pola propia compañía”.

A federación de Saúde da CIG de Pontevedra vén de denunciar que aproximadamente o 20% das camas (un total de 113) do Complexo Hospitalario Universitario de Pontevedra (CHOP) estará fóra de servizo do 1 de xuño ao 31 de outubro, o que vai afectar negativamente tanto a usuarios/as e pecientes como aos propios/as traballadores/as.

 A marcha rematará cunha festa final que conducirá o actor Pepe Penabade, na que os alumnos/as do IES de Pontecaldelas serán os encargados de ler o manifesto gañador do Correlingua. O acto pecharase coa actuación musical de Balbina, gañadora do Cantalingua.

A CIG-Mar asegura que a presenza de barcos cefalopodeiros chineses en augas de Mauritania demostra que a expulsión da flota galega “non foi por un problema de esgotamento dos recursos, tal e como pretenden facerlle crer á opinión pública”. Ao mesmo tempo, dende a central nacionalista anuncian que presionarán a todos os eurodeputados/as que non voten en defensa dos intereses galegos na comisión de Pesca do Parlamento Europeo que se celebra a finais de maio.