Portada
Temas
Confederal
Sectores
Entrevistas
Opinion
Multimedia
Contacta
 
 
Artigos de opinión
De novo o Iraque
26/06/2014Albano Nunes
De novo o Iraque. De novo um misterioso bando de «terroristas», semeando a morte e a destruição. De novo a orquestração de dramáticos apelos ...
Suplementos territoriais nos recibos eléctricos
26/06/2014Fernando Branco Parga
O Tribunal Supremo vén de sentenciar que nas peaxes do sistema eléctrico se deberían incluír os diferentes suplementos territoriais. Efectivame...
O destino do Iraque
20/06/2014Luís Carapinha
Aferrados a uma ordem económica injusta e decadente os EUA prosseguem a cavalgada de fragmentação de territórios e destruição das soberanias ...
A outra cara do Mundial de Fútbol
20/06/2014Vicenç Navarro
A gran pobreza do sector público no Brasil, xunto coas exuberantes riquezas, explica a explosión social. De aí a enorme protesta, que non é a pr...
Europa: alternativas à crise
17/06/2014Éric Toussaint
Repartir de outra maneira a riqueza produzida constitui a melhor resposta à crise. A parte destinada aos assalariados nas riquezas produzidas baixo...
As eleições na União Europeia
16/06/2014John Catalinotto
Pontevedra Pontevedra
27/9/2011 Os afectados/as manterán unha xuntanza coa Inspección de Traballo este xoves e para o día seguinte está prevista unha reunión coa dirección
Os traballadores/as da Fundación Semana Verde de Galicia conseguiron paralizar hoxe durante hora e media a poxa de gando da feira de Silleda en protesta polo ERE que afectará a 18 persoas. A mobilización, convocada por CIG e UGT, incluíu unha marcha por todo o recinto feiral e unha concentración fronte á sede da Fundación.
26/9/2011 A central nacionalista considera que decisión anunciada polo conselleiro de Presidencia supón liquidar o recinto feiral da vila pontevedresa
Os sindicatos CIG e UGT teñen convocada unha concentración no recinto feiral de Silleda para mañá martes 27, día de feira gandeira, a partir das 11.00 horas ante a situación creada na Fundación Semana Verde de Galiza despois de que o seu Padroado decidise iniciar os trámites para un Expediente de Regulación de Emprego que afecta a 18 traballadores/as. A central nacionalista entende que a decisión supón na práctica eliminar a capacidade do recinto para continuar coa súa actividade feiral.
23/9/2011 A central nacionalista sostén que no último mes houbo tres emerxencias con resultado de morte por cardiopatía que non foron ben atendidas
A FGAMT-CIG de Pontevedra denunciou onte en rolda de prensa que no último mes producíronse tres emerxencias en Marín con resultado de morte por problemas cardiovasculares e que nas tres ocasións os tempos de resposta das ambulancias superaron o que recomendan os expertos. A central nacionalista esíxelle á Consellería de Sanidade que dea marcha atrás na decisión de deixar á localidade pontevedresa sen vehículo médico entre as 22.00 e as 10.00 horas.
22/9/2011 Máis de medio cento de persoas volveron reclamar diante do despacho do letrado a súa parte das cargas condonadas polo Concello
O grupo de ex traballadoras/as de Álvarez que representa a CIG amosaron a súa disposición a retirar a denuncia penal contra José Pérez Pousa se o avogado vigués lles garante que van cobrar a parte que lles corresponde das cargas que pesaban sobre as vivendas de Cabral e que foron condonadas polo Concello. Máis de medio cento de afectadas/os volveron concentrarse hoxe diante do despacho do letrado.
20/9/2011 Mantiveron unha xuntanza co xefe da autoridade laboral para reclamarlle unha mediación activa no conflito coa compañía de automoción
O cadro de persoal de Treves Pontevedra aproveitou a primeira xornada de folga para realizar unha concentración de protesta diante da Inspección de Traballo en Vigo co obxectivo de reclamar unha mediación activa no conflito laboral coa empresa de automoción. A decisión de convocar un paro que terá continuidade este xoves adoptouse para esixir carga de traballo que permita o mantemento de todos os empregos e para denunciar que a dirección négase a publicar como convenio o acordo laboral acadado tras as mobilizacións de febreiro.
16/9/2011 Os traballadores/as manteñen as dúas xornadas de folga para rexeitar despedimentos e reclamar a publicación do convenio
 O comité de empresa de Treves Pontevedra denunciou o que considera un peche patronal despois de que a produción da compañía con sede no polígono do Campiño permanecese suspendida por orde da dirección ante os problemas de subministro que sofre Citröen. Dende a CIG denuncian que o peche produciuse sen que se tivese respectado a obrigación de comunicalo con tres días de antelación e reiteran que manteñen a convocatoria de folga para a semana que vén. 
12/9/2011 A empresa de automoción, que non recoñece o acordo asinado tras as mobilizacións de febreiro, confirmou que sobran 30 empregos
O comité de empresa da planta de Treves en Pontevedra decidiu convocar dúas xornadas de folga para os días 20 e 22 de setembro co obxectivo de reclamar carga de traballo que permita o mantemento de todos os postos de traballo. Ao mesmo tempo, os empregados/as da compañía de automoción con sede no polígono do Campiño denuncian que a dirección da multinacional francesa négase a publicar como convenio o acordo laboral acadado tras as mobilizacións de febreiro.
Engadir ao calendario
cig.prensa@galizacig.com