Portada
Temas
Confederal
Sectores
Entrevistas
Opinion
Multimedia
Contacta
 
 
Artigos de opinión
Estado español: De reformas fiscais e concertación social
07/04/2014Albert Recio Andreu
Apostar por rebaixas fiscais, como suxire o goberno, é continuar o vieiro da demolición de dereitos sociais, impedir unha restruturación profund...
O nó gordiano da esquerda
07/04/2014Emir Sader
Nas economías de mercado, o Estado, para implementar políticas de redistribución do ingreso, como contrapeso dos mecanismos de concentración do ...
Ucrânia: O acordo com o FMI conduz à mesma depressão que na Grécia
07/04/2014Jack Rasmus
A 27 de março de 2014, o FMI deu a conhecer as linhas mestras das condições para os seus empréstimos e outras medidas destinadas à economia ucr...
Medre das desigualdades: A súa meirande (e máis silenciada) causa
03/04/2014Vicenç Navarro
As causas das desigualdades son políticas e teñen que ver predominantemente co grao de influencia política que os propietarios do capital teñen ...
10 factos chocantes sobre os Estados Unidos
03/04/2014António Santos
São mais os países do mundo em que os EUA já intervieram militarmente do que aqueles em que ainda não o fizeram. Números conservadores apontam ...
Referendo en Crimea
19/03/2014Jacques Sapir
Confederal
6/3/2014 A Secretaría da Muller da CIG conmemora o 8 de marzo, Día Internacional da Muller Traballadora, baixo o lema “As políticas do PP prexudican seriamente os nosos dereitos”
A taxa de paro feminino medrou só no último ano 1,5 puntos e duplica a de 2008. As mozas galegas emigran porque non atopan traballo en Galiza e xa desapareceron do padrón de habitantes máis de 58.000 de entre 15 e 34 anos, desde que comezou a crise. As que quedan ven como se deterioran as súas condicións laborais e salariais, como se reducen as axudas públicas ás persoas dependentes e como a responsabilidade do seu coidado volve recaer sobre elas. Canto ás maiores, máis de 30.000 perciben unha pensión non contributiva -366 euros ao mes- e as que cobran unha pensión contributiva ingresan unha media de 574 €, o 53,7% do que ingresan os homes.
27/2/2014 A Alianza Social Galega realizou manifestacións e concentracións nas sete cidades e nas principais vilas do país
Milleiros de persoas participaron na tarde deste xoves nas manifestacións e concentracións convocadas pola Alianza Social Galega (da que fai parte a CIG) en todas as cidades e diversas vilas do País baixo o lema “Por outra saída da crise”. Con estas mobilizacións quérese esixir do Partido Popular outro tipo de políticas que leven a unha saída real da crise e a recuperar dereitos e calidade de vida, perdidos a causa das receitas neoliberais aplicadas dende o inicio da recesión económica.
25/2/2014 Están convocadas 10 manifestacións e 3 concentracións en todas as cidades e nas principais vilas do país
A CIG fai un chamamento a participar nas manifestacións convocadas pola Alianza Social Galega, da que forma parte a central sindical, este xoves día 27 de febreiro. As mobilizacións están convocadas en todas as cidades e principais vilas do país baixo o lema “Por outra saída da crise” e con elas preténdese dar unha resposta colectiva ás nefastas políticas antisociais que impoñen os gobernos de Galiza e do Estado Español coa coartada da crise e do pagamento dunha débeda ilexítima, seguindo os ditados da UE, do FMI, do BCE e da patronal neoliberal.
17/2/2014 En 2013 destruíronse 115 postos de traballo ao día; perdemos 41.800 persoas ocupadas e 30.000 activas
En 2013 destruíronse en Galiza 115 postos de traballo ao día; perdemos 41.800 persoas ocupadas; reducíronse en 30.000 o número de persoas activas e destas 29.800 eran mozos/as de entre 20 e 34 anos. Desde o ano 2010 emigraron 100.000 mozos/as á busca dun posto de traballo. Non só temos cada ano un maior número de parados/as –22,1%– senón que cada vez están máis tempo nesta situación. A consecuencia é que a finais de 2013 apenas o 56,3% de parados/as recibían algún tipo de prestación.
6/2/2014 Nas sete cidades e previsiblemente nalgunhas vilas, contra as 20:00 horas
A Alianza Social Galega convoca protestas o 27 de febreiro en varias localidades galegas baixo o lema “Por outra saída da crise”, buscando unha resposta colectiva ás nefastas políticas antisociais que impoñen os gobernos galego e español. Así o anunciaron os secretarios xerais da CIG, Suso Seixo; de UGT, José Antonio Gómez; e de CCOO, Xosé Manuel Sánchez Aguión, que compareceron este xoves en rolda de prensa acompañados de representantes doutras organizacións que integran a plataforma.
5/2/2014 Abríronse canles de colaboración para promover un debate social arredor do problema do desemprego e das políticas necesarias para mudar a actual situación
Unha representación da Executiva Confederal da CIG reuniuse esta martes con representantes de organizacións sociais e políticas para explicar as razóns polas que a central sindical decidiu promover unha Iniciativa Lexislativa Popular polo emprego. No decurso da xuntanza expuxéronse as medidas que se están a desenvolver nas distintas comarcas do país e acordouse abrir canles de colaboración para favorecer un debate social arredor da necesidade de pór en marcha outras políticas para impulsar o crecemento económico e a creación de emprego en Galiza.
4/2/2014 A perda de poboación, de activos/as, ocupados/as e de afiliados/as á Seguridade Social denota unha situación que nada ten que ver cos presuntos brotes verdes que vende o PP
En Galiza rexistráronse o pasado mes de xaneiro un total de 281.077 desempregados/as, o 2,69% máis que no mes de decembro. Porén, mentres que o número de parados/as se incrementou en 10.014, a afiliación á Seguridade Social caeu, no mesmo mes en 13.249 persoas. Con estes datos constátase que non hai un só síntoma de recuperación: medra o paro, hai menos cotizantes e todo isto ocorre malia perdermos poboación e haber persoas que xa nin se anotan nas oficinas de emprego, logo de perder toda esperanza de atopalo.
Engadir ao calendario
cig.prensa@galizacig.com