No propio acto de entrega dos Premios do Día da Clase Obreira Galega e 8 de Marzo, Día Internacional da Muller traballadora, o secretario xeral da CIG, Suso Seixo, anunciou o cambio oficial de nome da Fundación FESGA polo de Fundación Moncho Reboiras Reboiras para o Estudo e Divulgación da  Cuestión Social e Sindical en Galiza.

Na VII Edición do Premio 8 de Marzo, a Secretaría da Muller da CIG outorgou este recoñecemento a para Berta Castaño Torrado, delegada da CIG no Comité de Empresa da Fundación para a Calidade Industrial e o Desenvolvemento Tecnolóxico de Galiza, que vén padecendo unha situación de acoso moral e represión sindical no seu centro de traballo desde hai máis de dous anos, que foi despedida durante o seu embarazo e que tivo que ser readmitida no seu posto de traballo.

A CIG celebrou esta xoves a VII Edición do Premio do Día da Clase Obreira Galega, co que se recoñeceu ás traballadoras e  traballadores de Einsa, empresa de Artes Gráficas de As Pontes, pola súa loita exemplar ao conseguir, logo de 25 días de folga indefinida, minimizar o impacto da reforma laboral. Na súa intervención, o secretario xeral da CIG, alertou das consecuencias que terá este mesmo ano a aplicación da reforma da negociación colectiva, xa que até 400.000 traballadoras e traballadores poderían perder as súas actuais condicións laborais e salariais. Ante isto, apostou por “máis traballo sindical, máis presenza nos centros de traballo, máis organización e máis conflitividade”.

Esta mañá celebrouse, na sede da CIG en Compostela, unha xuntanza entre representantes da Asociación de Hospitais Privados de Galiza (Ahospgal), nomeadamente o seu presidente, Justo Jorge López e o seu secretario, Manuel López-Pardo e en representación da central sindical o secretario xeral, Suso Seixo, a secretaria nacional de CIG-Saúde, María Xosé Abuín.

A Executiva Confederal da CIG fixo público un comunicado en solidariedade co pobo venezolano con motivo do falecemento do Presidente e Comandante da República Bolivariana de Venezuela, Hugo Rafael Chávez Frías.

Emprego, dereito á negociación colectiva e dereito á soberanía nacional son os tres grandes eixos arredor dos que a CIG conmemora este ano o 10 de Marzo, Día da Clase Obreira Galega. Con este motivo, convocaranse manifestacións, o vindeiro domingo en todas as cidades, a central en Ferrol, baixo o lema “Contra a pobreza e a explotación. Salvemos os nosos convenios”. Xunto a isto e seguindo a tradición dos últimos anos, a central sindical celebrará un acto, o día 7 de marzo, no que se fará entrega dos Premio 10 de Marzo e 8 de Marzo, a aqueles conflitos laborais que salientaran no ano anterior pola súa defensa dos intereses e dos dereitos das mulleres e da clase traballadora en xeral.

O paro en Galiza suma e segue achegándose cada vez máis ás 300.000 persoas. No mes de febreiro rexistráronse un total de 292.823 desempregados/as, 2.033 máis que no mes anterior e 18.148 máis que no mes de febreiro de 2012. Os datos denotan ademais un preocupante descenso da actividade, xa que os contratos asinados diminuíron nun 24,36% respecto do mesmo mes do ano pasado e un 7,57% respecto de xaneiro. O desemprego acada cifras escandalosas, que aínda o serían máis de computarse as miles de persoas que tiveron que emigrar, durante este período.