Portada
Temas
Confederal
Sectores
Entrevistas
Opinion
Multimedia
Contacta
 
 
Artigos de opinión
Na Venezuela, a tentação do golpe de Estado
22/04/2014Alexander Main
Os venezuelanos têm bons motivos para exprimir seu descontentamento diante de um poder que sofre para transformar as estruturas do país (aparelho ...
Economia estagnada, finança próspera
22/04/2014Costas Lapavitsas
Há políticas que podiam melhorar coisas no curto prazo, incluindo regulamentação do sistema financeiro, redistribuição do rendimento e da riqu...
Estado español: A fraude das pensións privadas
22/04/2014Vicenç Navarro
Os pensionistas privados están claramente desprotexidos fronte ao capital financeiro e os seus xestores. E para complicar máis as cousas, este cap...
Estado español: De reformas fiscais e concertación social
07/04/2014Albert Recio Andreu
Apostar por rebaixas fiscais, como suxire o goberno, é continuar o vieiro da demolición de dereitos sociais, impedir unha restruturación profund...
O nó gordiano da esquerda
07/04/2014Emir Sader
Nas economías de mercado, o Estado, para implementar políticas de redistribución do ingreso, como contrapeso dos mecanismos de concentración do ...
Confederal
20/5/2010 A central denuncia a burla e desconsideración cos representantes dos traballadores/as, aos que se lles negou información sobre as medidas aprobadas hoxe polo Consello de Ministros
Arredor de 3.000 empregados e empregadas públicas, acompañados por delegados/as da CIG, participaron nas concentracións convocadas pola central para amosar o seu contundente rexeitamento ás medidas regresivas e antisociais aprobadas polo Consello de Ministros deste xoves, día 20 de maio, e denunciar a burla e desconsideración cos representantes dos traballadores, ao ser convocada no mesmo día, a Mesa Xeral de Negociación. O representantes da CIG, que asistiron a esta mesa denunciaron ademais que lle foi denegado o documento que, posteriormente aprobou o Consello de Ministros.
20/5/2010 Vigo acolleu unha nova Conferencia Sindical na que a central debateu o seu papel nesta transformación
A Confederación Intersindical Galega aposta por un novo modelo económico e social máis xusto, solidario, sostíbel e que garanta os servizos básicos como única saída da crise económica. A central nacionalista celebrou na mañá do mércores 19 de maio unha nova conferencia sindical, nesta ocasión en Vigo, para analizar a actual situación socioeconómica e debater o seu papel na defensa dos intereses da clase traballadora e como motor desta transformación. No acto participaron o Secretario Xeral da CIG, Xesús Seixo, o Secretario Comarcal de Vigo, Serafín Otero, e os membros da Executiva Confederal Antolín Alcántara, Francisco Miranda e Manuel Currás.
20/5/2010 Ese mesmo día estará na Unión Local o secretario xeral, Suso Seixo
No marco dos actos previstos para celebrar o 25 aniversario da central sindical en Valdeorras, os compañeiros da Unión Local en Valdeorras informan que o próximo día 27 de maio contarán coa presenza do secretario xeral, Suso Seixo. Ese mesmo día teñen prevista a celebración dunha conferencia na que os xornalistas que cubriron a información nos primeiros anos da CIG-Valdeorras contarán a súa experencia.
20/5/2010 Núñez Feijóo desoe a miles de persoas, organizacións sociais, institucións e mesmo ao Consello Consultivo
A plataforma cidadá Queremos Galego, que agrupa a máis de 700 diversas entidades que teñen como nexo común a defensa da lingua propia de Galiza, rexeita o “decretazo contra o galego” que volveu presentar esta mañá o presidente da Xunta “con só unha pequeniña nova capa de maquillaxe”.
20/5/2010 O Consellos de Ministros desta tarde concretará as medidas a adoptar e a súa aplicación
A CIG esixiu esta mañá a retirada de todas as medidas antisociais propostas polo Goberno de Zapatero durante o decurso da Mesa Xeral da Función Pública. Nesta reunión, explica a Secretaria Nacional da CIG-Administración e representante da central, María Carme López Santamariña, a Administración non fixo entrega de ningún documento, limitándose verbalmente a dar a pouca información “á que estaban autorizados”, xa que as medidas a tomar concretaranse hoxe no Consello de Ministros que se celebrará ás 16::30 horas. Dende a CIG cualifícase a Mesa de “tomadura de pelo” e ínstase a toda a cidadanía a participar esta tarde nas concentracións convocadas nas sete cidades galegas.
19/5/2010 Denuncia o centralismo e sectarismo das centrais sindicais españolas CCOO e UGT
A CIG vén de reiterar, en rolda de prensa, o seu máis contundente rexeitamento ás medidas regresivas e antisociais presentadas a pasada semana por Zapatero e de facer un novo chamamento a que as mobilizacións se estendan ao conxunto da clase traballadora e non se cingan exclusivamente aos empregados/as públicos/as. A central sindical entende que os recortes salariais anunciados na área pública son só o primeiro chanzo para xustificar logo unha reforma laboral coa que se recortarán dereitos e se precarizarán aínda máis as condicións laborais. Por iso lamenta que non fora posíbel conseguir a unidade sindical, nas mobilizacións e folga convocadas na área pública, nin de cara a convocatoria de folga xeral, polas diferenzas existentes respecto das mesas de diálogo social, onde CCOO e UGT están a negociar, precisamente esa reforma laboral.
19/5/2010 En defensa dos salarios, do emprego e dos servizos públicos
A pasada semana a CIG facía un chamamento ás organizacións sindicais para buscar a unidade de acción, co obxectivo de estender as mobilizacións previstas na área pública a todos os sectores e camiñar cara a convocatoria dunha folga xeral. O obxectivo: frear a aplicación das medidas regresivas e antisociais -que afondan aínda máis no modelo neoliberal-, anunciadas polo goberno español. Medidas coas que se pretende que sexa a clase traballadora quen pague a crise, mentres seguen a incrementarse os beneficios daqueles que a provocaron. Malia esa unidade non ser posíbel, a CIG reitera as súas posicións e fai un chamamento á mobilización “En defensa dos salarios, do emprego e dos servizos públicos”.
Engadir ao calendario
cig.prensa@galizacig.com