O debate sobre a fusión das caixas galegas entre si ou con entidades foráneas está aberto. Clodomiro Montero, secretario nacional da federación de Banca da CIG, explica nesta entrevista cales son as causas que levaron a estas entidades a actual situación e analiza o papel xogado polo PP e polo PSOE, como responsábeis de implantar un modelo económico como o actual. Montero advirte que, en todo caso, a intención última é concentrar para logo privatizar. “Unha nova lei de caixas podería garantir a cohesión social e territorial dentro do país e que Galiza blindara as súas competencias”, sinala.

Entrevistamos a Serxio Fontanes Blanco, Responsábel Comarcal de Negociación Colectiva da Federación do Metal da CIG en Vigo, e membro en representación da central sindical nacionalista na Mesa de Negociación do Convenio Provincial do Metal para Pontevedra.

Adrián Sotelo Valencia preséntase no panorama internacional como unha das voces autorizadas e referenciais, non só en chave sociolóxica senón tamén en termos políticos, para a análise dunha realidade que no presente fica presidida pola actual crise do sistema capitalista.

O próximo 4 de febreiro os delegados e as delegadas da CIG están convocados a unha asemblea en Compostela, na que se abordará a postura da central de cara a negociación colectiva no 2009. No medio de constantes anuncios de expedientes de regulación e peticións por parte da patronal para flexibilizar o mercado laboral, o Secretario Xeral da CIG, Suso Seixo, sinala que a central incidirá na cuestión salarial para garantir que a empresa non aproveite a situación de crise para recortar o poder adquisitivo dos traballadores/as, e dará a batalla en dous campos que van estar presentes na negociación: a flexibilización da xornada laboral e a temporalidade. Seixo tampouco descarta a posibilidade de convocar unha folga xeral se as condicións da clase obreira continúan deteriorándose. Á asemblea, seguiralle unha manifestación dos delegados/as a partir das 12:00 horas dende o Pazo de Congresos até os edificios da Xunta en San Caetano.

Alberto Gonzálvez comezou a traballar no laboratorio farmacéutico aos 24 anos. Era 1986 e desenvolvia as súas funcións como operario na liña de produción. No ano 1989 entrou no Comité de Empresa, xa representando ao sindicalismo nacionalista pola CXTG. Na actualidade enfróntase ao maior reto que viviu nestes vintetrés anos como sindicalista: Astrazéneca, denominación actual do laboratorio farmacéutico que era a antiga Zeltia, pechará as súas portas se non é mercada antes do 31 de xaneiro. Falamos con el do contexto actual desta factoría, o futuro, a necesidade da mobilización e a visión sobre o actual modelo social e económico que ameaza a un grande numero de empresas na comarca de Vigo.

Paulo Carril, secretario comarcal da CIG da Coruña, é representante legal do grupo maioritario de traballadores do mar afectados polas obras de Punta Langosteira. Desmente na seguinte entrevista as graves difamacións publicadas por “La Voz de Galicia” sobre este conflito e subliña o papel determinante da CIG para lograr que, por primeira vez no Estado, un grupo de percebeiros, mariscadores e mariñeiros vaia ser compensado polo cesamento forzoso da súa actividade como consecuencia da construción dun porto exterior. A CIG denunciará polo penal os autores das difamacións e “La Voz de Galicia”.