Faurecia Asientos de Galicia, unha das empresas auxiliares de PSA Citroen que obtivo máis de nove millóns de euros de beneficios no último exercicio, presentou xa dous expedientes de regulación de emprego. O primeiro, de catro días, xa foi aprobado pola Consellaria de Traballo e a Xunta de Galiza, e o segundo, que afectaría a catorce xornadas laborais e case trescentos traballadores, está no proceso de negociación.

A CEOE solicitaba, hai pouco máis dunha semana¸ a suspensión temporal do libre mercado para afrontar a crise. Tras daquela sorpresa regresaban esta semana á súa dialéctica habitual demandando unha vez máis abaratar o despedimento e moderar os salarios. Propostas ás que se sumaba o propio Banco de España, que incluía ademais eliminar as cláusulas de revisión salarial ou acelerar procesos de privatización e liberalización de sectores como o de Servizos. Entre mentres, a crise comeza a afectar a Galiza sen que se estean a adoptar medidas para que a súa repercusión na clase traballadora sexa mínima. Suso Seixo analiza nesta entrevista a actual situación e adianta a posta en marcha dunha campaña da CIG que comezará xa a principios do mes de outubro.

Rafa Villar (Cee, 1968) é escritor, articulista e responsábel do departamento de Normalización Lingüística da CIG. Foi galardoado recentemente co Premio de Poesía Cidade de Ourense polo seu libro “Migracións”, unha obra de compromiso social “coa xente excluída e marxinada do sistema”. Villar fala do libro na seguinte entrevista e reflexiona sobre a situación da literatura e da lingua do país.

Traballadoras da exposición permanente Galicia Dixital desde o ano 2000, Begoña Iglesias e Mariluz Precedo contan como viviron estes meses de constantes mobilizacións, as primeiras das súas vidas, e como avalían o resultado final: a readmisión. Malia todo, reiteran a súa acusación á administración, como responsábel de que se chegara á situación vivida desde o mes de maio e mesmo como responsábel das precarias condicións laborais que padeceron durante anos. Condicións que permitiron malia saber da súa existencia.

Tras 22 anos á fronte da federación de Saúde da CIG, Xan Cons anunciaba a súa intención de reincorporarse á actividade profesional no Complexo Hospitalario Universitario de Vigo. Para substituílo, o Consello Nacional elixía, por unanimidade, a María Xosé Abuín. A nova Secretaria Nacional salienta as prioridades que, en materia de Saúde, tanto a nivel laboral como social, ten marcadas a CIG e cuestiona o continuísmo na xestión do novo goberno.

Pola recente publicación de dúas obras da súa autoría, falamos con Lois Pérez Leira, traballador da CIG Migración, que analiza nestas obras o papel determinante que xogaron os galegos e galegas do exterior na historia de Cuba, así como realiza un traballo de investigación sobre Carme Arias, a nai galega do Che.