A continuación reproducimos unha entrevista co arxentino Néstor Kohan, que aproveitando a súa visita por Galiza, achéganos a súa visión da situación na Arxentina, asi como en Latinoamérica, e distintas reflexións sobre o momento actual e a vixencia do marxismo e a necesidade da formación política nos movementos sociais e políticos.

Falamos co secretario de Emprego da Executiva Confederal da CIG para analizar e tratar de preto os datos económicos que se deron a coñecer a comezos do mes de febreiro de desemprego. Cuestións como a emigración da mocidade, a situación no sector da Construción ou a necesaria conciliación da vida laboral e familiar para as mulleres que están xa masivamente incorporadas ao mercado laboral son temas que tamén saen á luz nesta entrevista.

Rafa Díez Usabiaga, secretario xeral do sindicato abertzale LAB, participou o pasado 18 de xaneiro nunha xornada de formación organizada pola CIG en Compostela. Aproveitando a súa visita a Galiza fixémoslle a presente entrevista, na que fai un percorrido pola actualidade política, social e sindical de Euskal Herria, con especial atención, dado o seu coñecemento da materia, ao que foi o frustrado proceso de negociación e construción dun escenario de paz en Euskal Herria.

Continuamos coa rolda de entrevistas aos secretarios e secretarias nacionais das federacións, e nesta ocasión contamos coa achega da conversa mantida con Xosé Carlos Crespo, secretario nacional da Federación de Administración Pública da CIG.

O secretario xeral da CIG, Suso Seixo, avalía, ao longo desta entrevista, o que foi o ano 2007 para a Confederación Intersindical Galega, facendo un percorrido polos principais conflitos nos que a central estivo presente. Seixo analiza tamén como repercutiu nas relacións institucionais o abandono das Mesas para un Acordo Galego polo Emprego e adianta o que poden ser uns resultados históricos nas recentes eleccións sindicais. Resultados que poderían colocar á CIG como segunda forza en Galiza.

Continuamos coas entrevistas aos secretarios nacionais das federacións da CIG, e desta volta falamos con Clodomiro Montero, secretario nacional da Federación de Banca da CIG, de máxima actualidade pola folga no sector de Telemárketing que a CIG convocou para este venres 21 de decembro