En abril de 2009 a Xunta iniciou a constitución dos Consellos Sociais dos Centros Integrados de Formación Profesional integrando unicamente aos/ás representantes de CCOO e UGT e deixando fóra á CIG, malia ser a organización sindical maioritaria no ensino. Agora o Tribunal Superior de Xustiza de Galiza vén de estimar o recurso contencioso-administrativo presentado pola central sindical e declara o dereito da CIG-Ensino a participar na designación dos membros da extracción sindical.

A CIG-Ensino convoca unha nova concentación solidaria coas persoas despedidas no centro San Xerome Emiliani da Guarda. Durante a protesta, que terá lugar na Alameda este sábado 18 ás 11.30 horas, tamén se recollerán sinaturas  para reclamar a readmisión dos afectados/as.

Máis de 2.000 rapaces e rapazas percorreron as rúas de Compostela nunha nova edición do Correlingua baixo o lema “Galego, a chave do mundo”. A carreira rematou cunha festa final conducida polo actor Pepe Penabade e a lectura do manifesto gañador do Correlingua, que correu a cargo do alumnado do IES Antón Fraguas. A actuación musical de Monoulious Dop, banda gañadora do concurso Cantalingua, pechou o acto.

Máis de 2000 escolares de Vigo e da súa comarca percorrerán as rúas da cidade este mércores día 15 nunha nova edición do Correlingua, que se celebra baixo o lema “Galego, chave no mundo”. Haberá distintas aactividades como música, espectáculos de maxia e lectura do manifesto.

A edición 2013 do Correlingua -carreira pola lingua do alumnado de todos os ciclos educativos- chegou este luns ás rúas da Coruña. A carreira, que partiu pouco despois das 11 horas da explanada da Torre de Hércules, contou coa participación de arredor de 4.000 escolares procedentes de distintos centros da comarca da Coruña.

A CIG-Ensino vén de iniciar unha campaña de recollida de sinaturas en solidariedade coas persoas despedidas do centro San Xerome Emiliani da Guarda e para reclamar a súa readmisión. Máis de 300 persoas xa amosaron o seu apoio á iniciativa dende o pasado sábado día 11 de maio.

A CIG-Ensino valora como un “rotundo éxito” o seguimento en Galiza da folga contra a LOMCE, un dos territorios do Estado onde a participación foi máis elevada. Preto do 90% do alumnado e o profesorado non estiveron hoxe nos centros educativos. “Foi un verdadeiro éxito e debera servir para que o Goberno do Estado paralice unha lei tan letal para o ensino público galego”; subliñaba o Secretario Nacional da CIG-Ensino, Anxo Louzao.