Mariñeiros e armadores da flota cefalopodeira galega convocan unha manifestación este venres día 15 en Marín para reclamar un novo acordo pesqueiro da UE con Mauritania que lles permita traballar no caladoiro do país africano. A marcha, que conta co apoio de numerosas organizacións sindicais, políticas e sociais, partirá da Alameda ás 20.00 horas.

Nos últimos días continuaron as mobilizacións de traballadores e traballadoras de Transportes Duco no centro de traballo de Santiago no Polígono do Tambre. Concentracións diante da nave, marchas e manifestacións polo polígono e peche nas instalacións de Stock 3.

As organizacións sindicais seguen á espera dunha resposta da patronal de ambulancias do 061 e da Consellaría para abrir unha mesa de negociación a tres bandas, logo da infrutuosa xuntanza mantida o pasado luns con representantes da administración en Compostela.

O Comité de Empresa de Transportes Duco S.L. acompañado polo cadro de persoal en pleno e polo representante da FGAM-CIG, Inácio Pavón, comparecía en rolda de prensa este luns para denunciar a súa grave situación. A empresa adebédalles as nóminas desde outubro, xunto coa paga extra. Durante eses meses, malia non cobrar seguiron a realizar o seu traballo adiantando cartos do seu propio peto. Desde mediados de xaneiro saben que quedarán no paro, pero polo de agora, nin poden apuntarse como demandantes de emprego, nin cobran prestación algunha. A empresa ademais ameázaos con deixalos sen paro se non asinan o ERE extintivo que lles propón

A Unión Local das Rías denunciaba esta mañá en rolda de prensa a grave situación que padecen as traballadoras e traballadores da empresa de produtos conxelados Lumar Natural Seafood S.L. que ten as súas instalacións no Polígono Industrial da Pobra do Caramiñal. Levan entre 7 e 8 meses sen cobrar e logo da asemblea de traballadoras/es convocar folga, comezaron a padecer ademais acoso laboral.

Os traballadores e traballadores das ambulancias do 061 continuarán mañá xoves e o venres coas xornadas de folga (e xa van 12 días) en demanda dun compromiso da patronal para manter a vixencia do actual convenio colectivo até finais do ano 2014, mentres se negocia o novo marco normativo.

O anuncio da solicitude de preconcurso por parte de Alimentos Lácteos acaba de dar un novo golpe á feble situación na que se atopa a empresa de base cooperativa, por mor da falta de liquidez e provedores. Dende a FGAMT-CIG de Lugo reclámase a todas as partes implicadas que transmitan información clara e precisa sobre o que está a pasar e que actúen con dilixencia para garantir o futuro da planta e todos os empregos.