Ante o reparto das axudas aprobadas polo Ministerio de Industria para o Sector do Automóbil  neste ano 2010 e unha vez coñecido o reparto que se destina na partida a provedores, a CIG entende que se produce unha decisión política clamorosamente  discriminatoria coa Industria da Automoción Galega. 

Desde primeira hora da mañá, nos distintos estaleiros comezaban os piquetes a informar da convocatoria de folga no 10 de marzo para o sector, que tivo un seguimento do 80%. A CIG-Metal valora moi positivamente esta xornada, aínda máis se temos en conta toda a campaña mediática da patronal e as centrais sindicais UGT e CCOO en contra desta convocatoria, asi como da abusiva presenza policial, que pretendeu ter un efecto disuasorio no seguimento das mobilizacións, con identificacións e rexistros desde primeira hora da mañá, mais que non impediron que de novo as rúas de Vigo volveran visibilizar a forza dun sector que non baixa a cabeza e que respondeu con voz ben clara ás pretensións de renegociar o convenio ás costas dos traballadores/asr: non imos permitir máis recortes de dereitos e defenderemos o naval.

A CIG-Metal editou milleiros de follas informativas a distribuir no sector naval nos días previos á folga, no que tamén se están a realizar asembleas, para facer chegar información aos traballadores/as do naval. Nos últimos dias tanto as patronais como outras centrais sindicais téñense posicionado conxuntamento contra esta convocatoria de folga, polo que a central sindical nacionalista explica a súa postura polo miúdo no seguinte comunicado que transcrebemos polo seu interese e onde subliñan que "temos que decirlle aos empresarios, a UGT e CCOO que non poden acordar modificar o Convenio sen o permiso dos traballadores, non teñen autoridade. Se non facemos esta Folga seguirán acordando o que queiran, vendendo o noso dereito ao traballo e todo aquelo que tanto nos costou en anos de loita".

Os traballadores de Siemsa Galicia, empresa dedicada á montaxe e mantemento dos parques eólicos, iniciaron na tarde do venres 5 de marzo mobilizacións para denunciar a destrución masiva de postos de traballo e demandar información sobre o futuro da compañía, que vén de iniciar un proceso de creación de novas empresas para dividir as súas actividades.

Ás 11.30 da mañá o 5 de marzo houbo unha rolda de prensa da CIG-Metal para dar a coñecer a convocatoria de folga no sector naval da central sindical nacionalista para o 10 de marzo contra a desaparición da bolsa de emprego e na defensa da regulación da contratación no sector. A folga terá unha duración de 24 horas e a convocatoria atinxe a todos os traballadores e traballadoras do sector naval con ou sen convenio propio da provincia de Pontevedra. Promóvese tamén esta folga polo incumprimento do Convenio Colectivo do Metal, contra a flexibilidade horaria e contra a represión sindical.

A Coordenadora do Automóbil da CIG quere denunciar a falta de respecto que demostra a Consellaria de Traballo con a CIG como sindicato maioritario no sector do automóbil, coa creación do foro social do automóbil. Calquera negociación, dentro de este foro de dialogo social carece de lexitimidade o deixar ao marxe a CIG que representa ao maior número de traballadores do sector.