A dirección da empresa farmacéutica Biofabri, con sede no Porriño, accedeu hoxe a rebaixar a súa pretensión de despedir a 39 dos 79 traballadores/as e puxo enriba da mesa unha proposta para rescindirlle o contrato a un total de 28 persoas. Dende o comité de empresa, presidido pola CIG, rexeitan tanto os despedimentos como as indemnizacións propostas pola compañía, 35 días por ano traballado cun tope de 15 mensualidades, “ao estar moi por debaixo do pactado no seu día, 65 días por ano cun máximo de 46 mensualidades e unha paga lineal de 17.000 euros”.

O comité de Biofabri, presidido pola CIG, convocará folga para rexeitar a intención da empresa farmacéutica con sede no Porriño de despedir 39 dos 79 traballadores/as. Os representantes do cadro de persoal denuncian que existía un compromiso por parte da dirección para manter o emprego até 2015. 

Os comités de empresa de Ence nas fábricas de Pontevedra, Huelva e Navia (Asturies) e das oficinas centrais reclámanlle á dirección do grupo que retire “a actual pretensión de reducir o cadro de persoal” xa que as causas económicas e de cambio nas tarifas eléctricas esgrimidas pola empresa “quedan totalmente refutadas no comunicado feito público pola propia compañía”.

A asemblea de traballadores de Arteixo Telecom acordou iniciar mobilizacións en contra dos despedimentos aplicados pola empresa, a falta de información sobre a situación e as perspectivas de futuro, así como o trato discriminatorio na aplicación do contrato relevo. As protestas comezarán o vindeiro martes 26 de febreiro, cunha concentración ás 16:00 horas diante do Concello das Pontes.

Os traballadores/as de Diario de Ferrol concentráronse o xoves na Praza de Armas de Ferrol para defender o emprego e o futuro do diario na comarca. Previamente, ás 10:30 horas os delegados de persoal do Diario de Ferrol mantiveron unha xuntanza con alcaldes e representantes de municipios das comarcas de Ferrol, Eume e Ortegal para trasladarlles da situación que está a padecer o cadro de traballadores/as.

A CIG vén de gañar o recurso de Suplicación presentado no Tribunal Superior de Xustiza de Galiza, polo que se recoñece a nulidade do despedimento dun traballador da empresa Frangosa Servizos S.L. e se condena á empresa (subcontrata de Forestal del Atlántico) a readmitir ao operario.

Arredor de 30 mineiros están pechados nun dos pozos das minas de San Fins, en Lousame, para reclamar da empresa que se lles paguen os cartos que se lles adebedan. Xunto a isto convocaron, na mañá deste luns, unha rolda de prensa para denunciar a súa situación laboral. Poucas horas máis tarde recibían a chamada da empresa para iniciar as negociacións.