A secretaria de Muller, Margarida Corral, compareceu o pasado mércores día 16 de maio, na Comisión non permanente para o estudo da necesidade de racionalización dos horarios e da situación sociolaboral das mulleres de Galiza. Unha comparecencia na que manifestou a necesidade de facer unha aposta real e concreta pola conciliación dos tempos, “xa que esta pode axudarnos a superar a brecha que separa o discurso da igualdade de oportunidades, politicamente correcto, da práctica cotiá nas organizacións e nos fogares”.

A secretaria confederal de Muller da CIG, Margarida Corral, considera que o Plan para a dinamización demográfica, entregado este venres no Parlamento de Galiza pola conselleira de Traballo e Benestar, Beatriz Mato, responsabiliza á sociedade galega da baixa natalidade argüindo a súa falta de consciencia sobre o problema -en función dos datos dunha enquisa-, mentres elude a responsabilidade da propia administración, que alén de recortar todo tipo de dereitos, non é sequera capaz de garantir un posto de traballo para a mocidade galega, abocada á emigración para atopar un posto de traballo.

A Secretaría da Muller da CIG informa da apertura do prazo para apuntarse ás estadías de tempo libre para as mulleres soas con responsabilidades familiares non compartidas. O prazo para presentar as solicitudes remata o vindeiro 16 de maio.

Susana López Abella anunciou onte na Comisión de Sanidade do Parlamento, na que compareceu para respostar a unha pregunta do Grupo Parlamentario Popular, que “as crianzas non nacidas” contarán como membros da unidade familiar á hora de pedir axudas á Xunta, co fin de determinar o tipo e contido das prestacións públicas que lles corresponden. A medida está encadrada no Plan integral de apoio á muller embarazada 2012-2014, aprobado o pasado mes de xaneiro polo Consello da Xunta.

O sector de Correos da CIG-Administración vén de dar a coñecer unha sentenza pola que se condena á empresa postal estatal á repor a totalidade do salario a unha traballadora á que, como consecuencia dun aborto, se lle aplicaron descontos en determinados complementos retributivos. Correos, explican dende o sector da CIG, non vinculaba o aborto coa maternidade e dáballe unicamente un trato de enfermidade común.

Compostela acolleu, este domingo, a manifestación nacional convocada por diversas organización feministas galegas, entre elas a CIG, para conmemorar o 8 de marzo. Unha data na que, de novo, as mulleres galegas tiveron que saír á rúa para reclamar dereitos que parecían estar consolidados, como o dereito ao aborto, que hoxe está pendente dunha reforma, que o PP pretende aprobar, e que suporá un retroceso de anos.

Delegadas e delegados da CIG concentráronse este xoves, con motivo da conmemoración do 8 de Marzo, Día da Muller Traballadora, diante de edificios da administracións, centros de traballo e mutuas para denunciar os ataques e recortes dos dereitos da clase traballadora, que afectan de xeito especial ás mulleres. Estas mobilizacións enmárcanse no calendario de actos programados pola CIG como preparatoria da Folga Xeral do 29 de Marzo, e por iso, a campaña deste ano estase a desenvolver baixo o lema “As mulleres coa Folga Xeral. Xuntas podemos!”