Máis de 2000 persoas acudiron á chamada dos mariñeiros afectados e da CIG-Mar, que continúan a esixir solucións aos diferentes gobernos para que a flota cefalopodeira poida faenar de novo en Mauritania. Reiteran a petición dun novo acordo pesqueiro da UE co país africano que poña fin á inactividade dos faeneiros galegos, amarrados desde o mes de xullo e "abocando á ruína ao sector", en palabras do responsábel nacional de CIG-Mar, Xabier Aboi, que responsabiliza da situación aos executivos español e galego.