Traballadoras e traballadores do Consorcio Galego de Servizos de Igualdade e Benestar secundaron masivamente a folga convocada pola CIG e sumáronse á manifestación que percorreu as rúas de Compostela para rematar concentrándose diante das dependencias da Xunta de Galiza en San Caetano. Durante o percorrido da marcha corearon consignas contra a privatización e desmantelamento destes servizos públicos, contra os despedimentos das 61 compañeiras e compañeiros e en demanda da aplicación do convenio colectivo.