Pouco despois das dez e media da mañá milleiros de escolares comezaban a chegar á Praza do Rei para participar nesta nova edición do Correlíngua, que comezou o 5 de maio simultáneamente nas cidades de Vigo e Pontevedra, e que percorrerá até o 15 de maio as distintas comarcas do noso país, achegando o galego aos máis novos e desde actividades que xa comezaron desde o inicio do curso para fomentar o uso do galego e a normalización e difusión do noso idioma. En Vigo foron perto de 5.000 rapaces e rapazas as que participaron da manifestación e do espectáculo final que se celebrou no Parque de Castrelos con teatro, música e participación destes nenos e nenas.

Nova relacionada