Portada 28/5/2008 | Confederación Intersindical Galega

Boa acollida da recollida de sinaturas de apoio

As traballadoras do servizo de atención a emerxencias, 112, inician a súa campaña de mobilizacións

Os reiterados incumprimentos dos acordos acadados coas traballadoras/es do servizo de atención a emerxencias 112, tanto por parte da empresa, no seu día, como actualmente da Dirección Xeral de Protección Civil obrigaron ás traballadoras e traballadores a reiniciar as mobilizacións. Polo momento, e para sensibilizar á opinión pública, teñen instalado pancartas de denuncia por toda a xeografía galega e ademais, iniciaron unha campaña de recollida de sinaturas que, polo momento, está a ter moi boa acollida.

Constituirase unha comisión de seguimento

O Pleno de Vilanova de Arousa aproba unha moción de apoio ás traballadoras de Pérez Lafuente

Por unanimidade foi aprobada o 26 de maio a moción presentada polas traballadoras fixas discontinuas da conserveira de Vilanova de Arousa Pérez Lafuente. Conseguiron tamén que se creara unha comisión de seguimento para mediar neste conflito e apoiar ás traballadoras.

A inmobiliaria insinúa que porá en marcha un ERE na sede coruñesa

CIG e comité de MARTINSA – FADESA cualifican de “frustrante” a reunión coa empresa

A CIG e o comité de empresa de MARTINSA – FADESA saíron decepcionados da reunión que mantiveron na mañá do 27 de maio co responsábel de Recursos Humanos da inmobiliaria na sede da Inspección de Traballo en A Coruña. A empresa incumpriu o seu compromiso de presentar neste día o plan de emprego que lle reclaman os traballadores.

Esta empresa de ambulancias obrigou un condutor a traballar como padioleiro pese a que sabía que padecía de hernia discal

A CIG denuncia na Fiscalía os responsábeis de “Servicios Sanitarios de La Coruña”

A CIG Transporte presentou, o 27 de maio no Palacio de Xustiza de A Coruña, un escrito na Fiscalía contra o encargado e o xerente da empresa de ambulancias “Servicios Sanitarios de La Coruña”, ao estimar que son autores dun delito de lesións por imprudencia e doutro de risco.

Do grupo Portadeza