A CIG incrementa o número de delegados/as e votos nas eleccións sindicais de Correos

A CIG conseguiu 30 delegados/as (15 en laborais e outros/as 15 entre o persoal funcionario) dos/as 116 que se elixían nas eleccións de Correos celebradas o pasado 28 de xuño. Con este resultado, a central nacionalista obtén o 25% da representación, a pesar da redución considerábel do número de votantes e delegados/as.

O sector de Correos da CIG-Administración, matiza que, aínda que Ourense foi a única provincia que perdeu un delegado (hai que ter en conta que se pasaron de elixir 13 representantes a 9 en funcionarios/as), o traballo dos compañeiros e compañeiras da Sección Sindical veuse avalado ao conseguir unha porcentaxe de votos meirande que nas eleccións de 2007. No resto das comarcas, explican, conseguiuse manter e incluso mellorar o resultado das anteriores eleccións.     

Dende o sector valoraron positivamente o resultado, porque, “a pesar das trabas que nos puxo Correos negándonos a información que lles facilitou a outras organizacións e tras sufrir unha serie de actuacións encamiñadas a beneficiar os sindicatos asinantes, fomos capaces xa non só de manternos senón de mellorar, superando as nosas expectativas”. Así mesmo, lamentaron o “xogo sucio” empregado durante a campaña por algún dos sindicatos.

Por iso felicitaron a todos os/as delegados/as e achegados/as que se implicaron nesta campaña electoral e “sobre todo congratularnos porque estes resultados son o froito dun traballo que vén dende atrás, un traballo ben feito que agora se veu valorado e recompensado polo apoio dos traballadores e traballadoras nas urnas”.

Resultados (Comparativa 2007-2011):

	Sindicato	Funcionarios		Laborais
		2007	2011	2007	2011
A CORUÑA	C.I.G.	6	6	6	7
	CC.OO.	4	5	8	8
	U.G.T.	4	3	3	2
	C.G.T.	2	2	-	2
	CSI.F	1	1	2	2
	S.LIBRE	2	0	2	0
LUGO	C.I.G.	2	2	2	3
	CC.OO.	4	3	5	4
	U.G.T.	1	-	-	-
	C.G.T.	-	-	-	-
	CSI.F	2	3	4	5
	S.LIBRE	1	1	1	1
OURENSE	C.I.G.	3	2	2	2
	CC.OO.	6	4	7	7
	U.G.T.	1	1	2	2
	C.G.T.	2	1	-	1
	CSI.F	1	1	2	1
	S.LIBRE	-	-	-	-
PONTE VEDRA	C.I.G.	4	5	2	3
	CC.OO.	5	5	7	8
	U.G.T.	4	3	7	3
	C.G.T.	2	2	-	1
	CSI.F	-	-	-	-
	S.LIBRE	-	2	1	2