Portada
Temas
Confederal
Sectores
Entrevistas
Opinion
Multimedia
Contacta
 
A Coruña, 10/10/2012
Chuza Menéame del.icio.us
compartir

A CIG apoia as mobilizacións estudantís convocadas para o xoves 11 de outubro en contra dos recortes no ensino

As protestas enmárcanse na xornada Internacional de Loita Estudantil
A Confederación Intersindical Galega apoia a xornada de mobilizacións que se desenvolverá este xoves 11 de outubro, en contra dos recortes que están a aplicar os gobernos do PP no ensino público. As protestas, convocadas en Galiza pola Liga Estudantil Galega, Comités e Agir, desenvolveranse de xeito paralelo nas distintas Autonomías, coincidindo coa Xornada Internacional de Loita Estudantil.

A CIG lembra que a falta de profesorado, a masificación das aulas, a falta de especialistas, incremento das taxas universitarias, endurecemento dos requisitos para acceder a unha bolsa ou o apoio da Xunta a centros privados concertados relixiosos ou mesmo que segregan alumnado por razóns de xénero mentres se recortan os medios para o ensino público, son algunhas das características que teñen marcado a política educativa aplicada polo Goberno de Feijoo no ensino galego, pondo en perigo o carácter público, universal e gratuíto do ensino e cedendo competencias propias.

A este paquete de medidas hai que engadir o anteproxecto de reforma educativa aprobado polo Goberno de Mariano Rajoy: unha proposta recentralizadora na medida en que usurpa competencias dos Gobernos autonómicos. Reduce dun 45% ao 35% o dereito para fixar currículos que até o de agora lle asistía á Consellaría de Educación e expulsará do sistema educativo a aquel alumnado con maiores dificultades.

Horarios e lugares das manifestacións:

- A Coruña, ás 12:00 horas na rotonda do Campus de Elviña.

- Santiago de Compostela, ás 12:00 horas no Toural.

- Pontevedra, ás 12:00 horas fronte á Facultade de CC. Sociais e da Comunicación.

- Vigo, ás 12.00 horas dende a Praza dos Cabalos.

- Ourense, ás 12:00 horas dende a Consellaría de Educación.

- Lugo, ás 12:30 horas dende o edificio Intercentros.

Máis información

cig.prensa@galizacig.com