Nova mobilización contra a privatización da sanidade no Hospital Meixoeiro de Vigo

Celebrouse o xoves 11 de febreiro unha nova mobilización en contra da privatización da sanidade pública en Vigo, nesta ocasión o escenario foi o Hospital do Meixoeiro onde unha nutrida participación de traballadoras e traballadores participaron activamente con cánticos e proclamas en contra das intencións do goberno do PP de liquidar a sanidade pública en Vigo.

Desde as 11 da mañá o Hospital Meixoeiro de Vigo acolleu unha nova mobilización de traballadoras e traballadores da sanidade contra a privatización da sanidade.

Asembleas

O venres 12 de febreiro celebraranse asembleas informativas por parte da Comisión de Centro do CHUVI no salón de actos Hospital Xeral ás 11h e no Hospital do Meixoeiro ás 14h tamén no salón de actos.

Continuarán as mobilizacións

Desde a CIG-Saúde de Vigo apostan por continuar "mantendo a presión sen descanso, que non lle saia gratis o custe da privatización aos mercenarios do privado".

• Venres 12 de febreiro as 11h asemblea no H. Xeral, ás 14h no H. Meixoeiro.

• Mércores 17 febreiro comparsa do enterro da sardiña, ás 18h na Praza da Constitución (Porta do Sol) onde iremos acompañando á comparsa Os Tarteiras, vestidos con uniforme de hospital e lazos e brazaletes negros.

• Mércores 24 de febreiro folga e manifestación as 20h dende H. Xeral ata o edificio da Xunta (Praza da Estrela).
• Martes 2 de marzo, Paro.

• Sábado 20 de marzo acto lúdico festivo na finca de San Roque de mañá e tarde, (concretaranse os actos mais adiante)

• Xoves 25 de marzo folga e gran manifestación cidadá as 20h dende o cruce de Vía Norte con Urzaiz.

Máis imaxes

Na galería de imaxes da nosa web podedes atopar máis imaxes desta mobilización, ou nesta ligazón, ou na páxina da CIG-Saúde de Vigo.