CIG-Saúde denuncia a situación que vive o centro de atención primaria de Tui e demanda aumento de persoal e un novo centro

Sen pediatra e con servizo de atención precario

CIG-Saúde quere manifestar a súa preocupación pola situación na que se atopa a atención pediátrica no Centro de Saúde de Tui. As dúas pediatras actuais teñen o maior número de pacientes da área sanitaria, con 1.420 e 1.335 respectivamente. Dende o luns 11 de xaneiro o Centro de saúde de Tui non ten pediatras por ausencia xustificada das mesmas. O Servizo Galego de Saúde di que o martes 12 serán substituídas cando a realidade é que todo segue igual. As usuarias e usuarios mobilizáronse para protestar por este feito recollendo sinaturas.

Dende CIG-SAÚDE falouse coa Directora Médica para que se solucionara o problema, sen que de momento se aportaran solucións. CIG-SAÚDE ven denunciando e reclamando a construción inmediata do novo centro de saúde así como o cumprimento do Plan Mellora de Atención Primaria, onde se recollía o incremento de pediatras por ser esta área a que maior presión asistencial soporta.

Persoal do centro de saúde de Tui

O Concello de Tui ten 17.000 habitantes que son atendidos por un centro de Saúde construído en 1984, que conta co seguinte persoal:

Servizos Básicos		Servizos Apoio
MEDICO XERAL	11	MATRONA	1
PEDIATRA	2	FARMACEUTICO-A	1
ATS/DUE	12	FISIOTERAPEUTA	3
AUXILIAR ENFERMERIA	3	ASISTENTE SOCIAL	1
FUNCION ADMINISTRATIVA	7	ODONTOLOGO	1
		TECNICO ESPECIALISTA	1

Para dar resposta a actual situación de precariedade e ao necesario incremento de plantilla nunhas condicións dignas é imprescindible a construción inmediata do novo Centro de Saúde.

Nin as usuarias e usuarios nin os profesionais poden esperar mais. As autoridades competentes teñen que tomar decisións urxentes.