Portada
Temas
Confederal
Sectores
Entrevistas
Opinion
Multimedia
Contacta
 
Vigo, 12/11/2009
Chuza Menéame del.icio.us
compartir

Novos peches polos acordos retributivos no Sergas nos centros hospitalarios das provincias de Ourense e Pontevedra

Desde as 8 da mañá no Barco, desde as 11 en Vigo, e tamén en Ourense e Pontevedra
O 12 de novembro comezaba unha nova serie de peches nos centros hospitalarios das provincias de Ourense e Pontevedra, mais concretamente nas cidades de Pontevedra, Vigo, Ourense e O Barco, onde traballadores e traballadoras do Sergas manterán este novo peche simultáneo durante 24 horas, convocada por unha plataforma sindical unitaria, para reclamar á Consellaria de Sanidade que retire a suspensión dos acordos retributivos, se retome a carreira profesional e se garanta o cumprimento íntegro dos plans de mellora na atención primaria e dos plans de saúde mental.

"Estamos aqui porque cos orzamentos da Xunta, o Goberno Galego decidiu suspender a aplicación de acordos que xa estaban negociados, asinados e publicados no DOG. É unha medida que pon en dúbida o ámbito de negociación sindical que temos, que é a Mesa Sectorial, porque o que fai é que perde todo o seu sentido, ao non aplicar acordos xa asinados. Simplemente estamos reivindicando que se aplique o que xa está asinado", explicaba asi o peche do 12 de novembro no Hospital Xeral, Manuel Gónzalez Moreira, da CIG-Saúde de Vigo.

Peches desde pola mañá

Ás once da mañá daba comezo o peche no Hospital Xeral, en Pontevedra e no Chou, mentres que era ás oito da mañá cando no Barco comezaban xa con esta mobilización.

A ampla participación e o bo ambiente entre os traballadores e traballadoras da sanidade pública está a ser a nota dominante nesta nova xornada de peches simultáneos nas provincias de Ourense e Pontevedra.

Reunión da Mesa Sectorial

Sobre as vías de comunicación abertas coa Administración autonómica, "na anterior mesa sectorial todas as organizacións sindicais marchamos porque os responsábeis da administración que estaban nesta mesa dixeron que non eran quen de negociar ningún aspecto sobre os acordos, xa que era un acordo que viña desde o goberno, e que na mesa sectorial non se podia negociar. Reclamamos á Conselleira de Sanidade e ao Presidente da Xunta que abriran unha mesa de negociación con persoas que puideran negociar. A Conselleira comprometeuse a convocar a mesa con persoas que si que tiveran capacidade de negociación, e está convocada para esta mesma xornada polo que estamos á espera do que aconteza", informaba Manuel Gónzaléz Moreira, da CIG-Saúde de Vigo, desde o peche do Xeral.

Máis imaxes

Na galería fotográfica da nosa web podedes atopar máis imaxes desta xornada ou nesta ligazón.

cig.prensa@galizacig.com