Concentración diante das piscinas da Malata e Narón para esixir a readmisión de dous traballadores despedidos durante a folga

A CIG-Servizos de Ferrol ten convocada para a tarde deste venres, 12 de marzo, concentracións diante das piscinas da Malata e de Narón para esixir a readmisión de dous traballadores que foron despedidos como represalia por ter participado na folga de instalacións deportivas, que vén de suspenderse.

A primeira das concentracións realizarase diante da piscina da Malata de Ferrol a partir das 17:15 horas. A protesta repetirase ás 18:30 horas diante da piscina de Narón.

Dende a CIG-Servizos de Ferrol esíxese a readmisión destes dous traballadores, despedidos como represalia “por facer uso do seu dereito á folga, reivindicar os seus dereitos e apoiar aos seus compañeiros/as”.

Así mesmo, reclámase a ambos Concellos que adopten medidas sancionadoras contra as empresas concesionarias por vulnerar os dereitos fundamentais dos traballadores/as e tomen medidas de presión para obrigalas á readmitir a estes dous traballadores.