Conversas con Isabel Rauber, pensadora latinoamericana

Galiza Nova e a FESGA organizan para este xoves 15 de decembro, ás 20:00 h en Políticas unha charla que será presentada por Suso Seixo

A FESGA e Galiza Nova veñen de organizar unha conferencia que será presentada polo secretario xeral da CIG, Suso Seixo, baixo o título “Movementos sociais e construción do poder popular. Unha ollada dende América Latina”. A charla correrá a cargo de Isabel Rauber, doutora en Filosofía e investigadora dos movementos sociais e terá lugar o vindeiro xoves día 15 de decembro, ás 20:00 horas, na aula 0.2 da facultade de Ciencias Políticas, no Campus Sur de Compostela.