A CIG obtén, por cuarta vez consecutiva, sete dos nove delegados/as do persoal laboral do Concello de Xinzo de Limia

A CIG vén de revalidar a súa maioría entre o persoal laboral do Concello de Limia ao obter, por cuarta vez consecutiva, o 78% dos votos nas eleccións sindicais, polo que a central acadou sete dos/as nove delegados/as en xogo.

Con este resultado, subliñan dende a CIG de Verín, os traballadores e traballadoras laborais do Concello de Verín “veñen de dar un novo paso de respaldo e consolidación da acción sindical desenvolvida pola CIG nesa administración local e na propia comarca limiá”.

Así mesmo, agradeceron a confianza depositada nesta central sindical, que leva 16 anos ostentando a presidencia do Comité de empresa do persoal laboral deste concello, e que nas eleccións celebradas este 13 de maio volveu obter o apoio de case o 80% dos/as traballadores/as da institución.

RESULTADOS DAS EESS.pdf