A CIG rexeita a condena dun ano de prisión a Antolín Alcántara pola folga do Metal en 2007 e denuncia criminalización sindical

A Confederación Intersindical Galega vén de recibir a sentenza do xuízo contra dous dirixentes da central que participaron na folga do Metal do 2007. A xuíza absolve a Víctor García do delito de desordes públicos e danos. No caso de Antolín Alcántara, secretario confederal de Negociación Colectiva da CIG, condénao a un ano de prisión por desordes públicos e absólveo do delito de danos. A central nacionalista recorrerá a sentenza.

A central, que recorrerá a condena, rexeita a decisión xudicial e reitera que se trata dun proceso político para criminalizar o sindicalismo combativo nun momento de duros ataques contra os dereitos da maioría social. Nos vindeiros días realizará unha análise pública máis exhaustiva do contido da sentenza.

A xuíza tamén condenou a un traballador do metal que estaba acusado de desordes públicos e danos no mesmo proceso. Imponlle un ano de prisión e unha indemnización ao Concello de Vigo de 1.052 euros pola queima dun contenedor do lixo.