Portada
Temas
Confederal
Sectores
Entrevistas
Opinion
Multimedia
Contacta
 
A Coruña, 15/10/2012
Chuza Menéame del.icio.us
compartir

As organizacións sindicais de Ferrol convocan unha manifestación o 17 de outubro polo futuro da comarca e o sector naval

Os Comités de Navantia abandonan, tras cumprirse un mes, o peche no Concello ao convocarse a comisión do Dique para o 24 de outubro
Os comités de Navantia e os delegados/as das industrias auxiliares abandonaban o pasado xoves, e logo de transcorrido un mes do inicio da protesta, o peche no interior do Concello de Ferrol tras confirmarse a data de reunión da Comisión de Seguimento do Dique Flotante. Non obstante, advertiron que a mobilización continuará na rúa e as organizacións sindicais xa teñen convocada unha gran manifestación comarcal para este mércores 17 de outubro con saída ás 20:00 horas dende o Inferniño.

Coa marcha, convocada pola CIG, CCOO, UGT e USTG, as organizacións sindicais queren denunciar tanto os recortes e medidas contra a maioría social que están a aplicar os gobernos do PP como a situación de abandono na que teñen deixado á comarca e a un dos seus principais sectores industriais: o naval. A maiores, lembran que nos últimos anos unha boa parte das empresas máis grandes teñen pechado, aplicado EREs ou despedimentos, mentres os compromisos con Ferrolterra continúan sendo papel mollado.

A manifestación desenvolverase baixo o lema “Queren afundir a comarca. Impidámolo!”, sairá ás 20:00 horas dende o Inferniño para finalizar na Praza de Armas.

Continúan as protestas no naval

Pola súa banda, o pasado xoves os membros do Comité de Navantia e as industrias auxiliares que dende o pasado 11 de setembro permanecían pechados no Concello de Ferrol, acordaron abandonar a medida de presión tras concretarse a data de reunión da Comisión de Seguimento do Dique, para o 24 de outubro.

Os  traballadores/as tamén están chamados a secundar este luns día 15 un peche nos estaleiros até as seis e medida da tarde, cando sairán das instalacións para se sumar á mobilización que ten convocada a Plataforma Galega en Defensa dos Servizos Públicos.

cig.prensa@galizacig.com