Portada
Temas
Confederal
Sectores
Entrevistas
Opinion
Multimedia
Contacta
 
Compostela, 15/3/2010
Chuza Menéame del.icio.us
compartir

Educación remitiu ao Consello Escolar de Galiza o borrador do anteproxecto do decreto contra o galego antes de debatelo na Mesa

A CIG denuncia a nula vontade de negociar da consellaría
A CIG-Ensino denuncia a falta de vontade negociadora por parte da Consellaría de Educación, que vén de remitirlle aos integrantes do Consello Escolar de Galiza o mesmo borrador de anteproxecto de Decreto que se presentou ás Organizacións Sindicais para tratar na Mesa Sectorial.  Este feito pon en evidencia que a Consellaría ten decidido non recoller ningunha achega das realizadas no seo da Mesa Sectorial, mesa de negociación que se reúne en primeiro lugar e onde debería negociarse este anteproxecto de Decreto, para logo ser presentado ao Consello Escolar recollendo xa as emendas realizadas na Mesa.

A CIG-Ensino lembra ademais que o borrador presentado non recolle as recomendacións e achegas realizadas no período de consultas, “comprobamos que, efectivamente, esta Consellaría de Educación ten unha folla de ruta deseñada e inamovíbel, contra o noso idioma”.

CIG-Ensino esixiralle á Consellaría que mude a súa postura de desprezo permanente cara ao noso idioma e que escoite a vontade popular que lle reclama que non siga atacando a lingua galega. A CIG lémbralle ao goberno que a sociedade galega saíu á rúa reiteradamente reclamando o seu dereito a recibir ensino en galego. “O 17 de maio e o 18 de outubro de 2009 e, moi especialmente, o 21 de xaneiro de 2010 foron mobilizacións históricas no noso país en demanda dos nosos dereitos lingüísticos”.

Do mesmo xeito salienta que mesmo o 30 de decembro de 2009 e este mesmo sábado 13 de marzo, a cidadanía galega reaccionou con urxencia reclamando a paralización dos ataques reiterados contra o noso idioma. “O goberno galego, se verdadeiramente o é, debe escoitar aos seus administrados e administradas e atender as súas demandas”.

cig.prensa@galizacig.com