A CIG gaña eleccións parciais celebradas en CYRGASA

A CIG conseguiu a maioría dos votos en CYRGASA, empresa auxiliar da fábrica de Alcoa de San Cibrao, nas eleccións sindicais parciais celebradas o pasado 15 de novembro. Estaban convocados para este proceso, no que se escollían catro novos delegados/as para o Comité, os 117 traballadores/as que conforman o cadro de persoal, dos/as que exerceron o seu dereito de voto 82, sumando unha participación de case o 70%.

O escrutinio deulle á Confederación Intersindical Galega 66 votos, o que supón un 80% de apoios. A candidatura de CCOO, o outro sindicato que participaba nestas eleccións, obtivo 13 votos, o que representa un 15% de apoios.

Traducidos estes votos a delegados, a CIG conseguiu tres dos catro representantes que se escollían neste proceso para o Comité de Empresa, o que sumado aos tres que xa tiña, supón a consolidación da maioría absoluta da central nacionalista.

“Os delegados da CIG de Cyrgasa agradecemos a ampla participación e máis o apoio masivo dos traballadores/as. Estes resultados confirman a nosa liña sindical e  ratifican o bo traballo realizado polo noso sindicato”, sinalan nun comunicado.

Resultado das eleccións

	Votos	% votos	Delegados electos	TOTAL COMITÉ
CIG	66	80	3	6
CCOO	13	15	1	3
Brancos	2
nulos	1
Total	82	100	4	9