Nova concentración o venres 19 de febreiro de 11 a 13 diante do Alcampo de Coia contra os despidos na limpeza deste centro

O venres día 19 de febreiro as tres centrais sindicais, CIG, CCOO e UGT teñen convocada unha nova mobilización: unha concentración de delegadas/os masiva nas portas de Alcampo de Coia de 11:00 a 13:00 horas para amosar o rexeitamento aos despedimentos da limpeza neste centro de traballo, asi como a solidariedade coas compañeiras e compañeiros despedidos.

O luns día 15 de febreiro, as centrais sindicais, CCOO, CIG eu UGT, mantiveron unha xuntanza co Director Xeral de Traballo Odilo Martiñá, na cal lle expuxeron a situación dos despedidos/as, se lle exixiu a Xunta a intervención inmediata no conflito, explicándolle que a actual empresa Amil Lago, non é unha empresa do sector de limpeza, non podendo facer dita actividade, e por suposto, sen subrogar aos traballadores/as actuais.

Senón media a Consellería, os tres sindicatos, actuarán contundentemente. O Director Xeral comprometeuse a atopar unha solución, que só pasa pola readmisión pola parte sindical.

O martes día 16 de febreiro, o Comité de Empresa de Alcampo de Coia mantivo unha reunión coa Dirección da empresa, negándose esta a asumir a súa responsabilidade nos despidos e ofrecendo unha saída de recolocación de algúns, o que tivo unha resposta negativa por parte da CIG.

O mércores día 17 de febreiro, mantívose unha reunión coas patronais de limpeza, provincial e estatal, onde se decidiu, levantar un acta asinada polas dúas partes, exixindo o cumprimento de subrogación e solicitando unha reunión a Conselleira de traballo, o antes posíbel, para que interveña no conflito.

Desde a CIG-Servizos subliñan que "a Xunta ten a capacidade legal de prohibir a Alcampo esta situación e obrigarlles a readmisión de todo o persoal".