Novas mobilizacións do persoal do 112 en demanda dun acordo definitivo sobre as súas condicións de traballo

Os traballadores e as traballadoras do CAE 112 continúan a súa campaña de mobilizacións a prol de acadar un acordo definitivo que permita a estabilidade das súas condicións de traballo. O persoal está “acompañando” a Emilio Pérez Touriño nos actos da campaña electoral con pancartas reivindicativas, nos últimos días estiveron xa en Vilagarcía, Cangar e O Grove.

A principal reivindicación do persoal do CAE 112 pasa polo recoñecemento do dereito de subrogación, que dotaría aos traballadores e traballadoras do servizo de emerxencias dunha maior estabilidade laboral. Non obstante, a Xunta négase sistematicamente á recoñecer este dereito, e, en consecuencia, a empresa que xestiona o servizo non quere asinar ningún documento co persoal, a pesar de que existe un acordo completo en moitos puntos cos traballadores/as.

O persoal do CAE 112 acordou en asemblea estar presente en todos os actos da campaña electoral nos que participe Pérez Touriño, como medida de presión para axilizar a solución a un conflito que se vén arrastrando dende hai moito tempo.

Máis información en 112enloita.blogspot.com

Novas relacionadas