A CIG denuncia a agresión do encargado de Autobuses de Calo a Nélida Pisco

Convoca unha concentración diante dos xulgados de Fontiñas, este martes 3 de xaneiro, ás 10:30 horas

O pasado mércores 28 de decembro, o encargado de Autobuses de Calo agredía fisicamente a Nélida Pisco na nave da empresa. A traballadora tivo que ser atendida no centro de saúde, onde se levantou o preceptivo parte de lesións. Mañá martes, día 3 de xaneiro, terá lugar, nos xulgados de Fontiñas, un xuízo rápido pola vía penal. A CIG convoca ás 10:30 horas, unha concentración en repulsa a esta agresión machista diante dos propios xulgados.

A CIG denunciará en todos os ámbitos institucionais e legais posíbeis esta actitude inadmisíbel nun centro de traballo. Considera que Hedegasa está dando cobertura a un acoso laboral e agora tamén físico porque non se lle perdoa á traballadora ter defendido o seu dereito a ser nai e traballadora.