Portada
Temas
Confederal
Sectores
Entrevistas
Opinion
Multimedia
Contacta
 
Compostela, 2/4/2009
Chuza Menéame del.icio.us
compartir

A FGAMT de Ferrol realizará un curso de prevención na Confraría de Barallobre que inclúe un módulo de técnicas de natación

A partir do 20 de abril, está destinado a profesionais do sector marisqueiro, acuícola e pesqueiro de baixura
A FGAMT de Ferrol vai iniciar o vindeiro 20 de abril un curso na Confraría de Barallobre, pioneiro en Galiza no sector do marisqueo a pé. O curso, programado entre a FGAMT e o Gabinete Técnico de Saúde Laboral da CIG conta coa colaboración do Concello de Fene, que ofreceu desinteresadamente a piscina municipal para a realización da actividade.

O obxectivo do programa é achegar unha aproximación básica á prevención de riscos laborais inherentes ao sector marisqueiro, acuícola e pesqueiro (baixura), segundo a lexislación actual, cunha duración de 30 horas, ademais dun módulo de igualdade entre homes e mulleres de 5 horas.

A maiores, e como novidade, impartirase un módulo de natación no que se aprenden técnicas básicas de mantemento a flote e perfeccionamento de técnicas de natación, cunha duración de 15 horas.

Este curso tamén se ofertará ás demais Confrarías de Ferrolterra e dende a Federación non descartaron presentalo no resto do País.

cig.prensa@galizacig.com