Portada
Temas
Confederal
Sectores
Entrevistas
Opinion
Multimedia
Contacta
 
A Coruña, 21/1/2010
Chuza Menéame del.icio.us
compartir

A CIG-Ensino valora como un éxito a participación na folga do ensino contra o “decretazo”

Convida a Feijoo e ao conselleiro a tomar nota e a retirar as bases do decreto do plurilingüismo
A CIG-Ensino valora a participación na folga convocada en demanda da retirada das bases do decreto do plurilingüismo como un éxito rotundo, xa que en todos os centros as aulas estaban maioritariamente baleiras de alumnado. Desde a CIG-Ensino considérase que tanto Feijoo como o conselleiro deberían tomar boa nota e recoñecer que o ensino galego rexeita esta proposta de bases, por ser un ataque sen precedentes ao noso idioma.
CEIP López Ferreiro, en Compostela.
Anxo Louzao, secretario nacional de CIG-Ensino manifesta que esta repulsa do profesorado, estudantado e de moitos pais e nais contra o decretazo ten que conlevar “a retirada das bases e, partindo do Plan Xeral de Normalización Lingüística e do decreto 124/2007 de uso e promoción do galego no ensino, avanzar na normalización lingüística para facilitar que todo o alumnado teña competencias lingüísticas para poder usar o idioma propio de Galiza”.

 

Ao tempo, a CIG-Ensino entende que esta mobilización é un rexeitamento claro á actitude “sectaria e antigalega” do presidente e do conselleiro que non dubidaron en pór impedimentos para o libre exercicio do paro e da folga, mesmo enviando comunicacións aos ensinantes impropias dunha administración. Comunicados que Louzao cualifica de “parciais e partidistas”, e que tiñan como obxectivo “convencer ao profesorado de non ir á folga”.

 

A CIG-Ensino considera que malia esta campaña, orquestrada polo PP desde o goberno da Xunta, o éxito da folga constata o seu rotundo fracaso.

 

cig.prensa@galizacig.com