Portada
Temas
Confederal
Sectores
Entrevistas
Opinion
Multimedia
Contacta
 
Vigo, 21/6/2012
Chuza Menéame del.icio.us
compartir

Traballadores/as do naval e delegados/as da CIG cortan o tráfico en Vigo para esixir un compromiso político co sector

Os operarios/as adiantaron que participarán activamente no paro de media xornada convocado en Ferrol para o xoves 28 de xuño
Un grupo de traballadores/as e delegados/as sindicais do Naval da Ría de Vigo convocadas pola CIG realizaron hoxe un corte de tráfico en Bouzas para reclamar un compromiso político que permita achegar unha solución á crise do sector. Ao remate da mobilización, adiantaron que participarán activamente no paro parcial convocado pola central nacionalista na comarca de Ferrol a final de mes.

A protesta forma parte do calendario de mobilizacións da central nacionalista, que até o de agora incluían concentracións todos os xoves. A marcha partiu arredor das 10.30 horas do estaleiro Barreras e percorreu Beiramar até Bouzas, onde por espazo de 15 minutos interrompeuse a circulación na rotonda de acceso á Zona Franca. Pasadas as 12.00 horas regresaban a Barreras.

Ao remate da mobilización os traballadores/as incidiron na necesidade de retomar as concentracións semanais e recuperar a presenza na rúa para facer visíbel o conflito laboral. Ao mesmo tempo, adiantaron que participarán activamente na paro de media xornada convocado pola CIG na comarca de Ferrol para o vindeiro día 28.

cig.prensa@galizacig.com