Portada
Temas
Confederal
Sectores
Entrevistas
Opinion
Multimedia
Contacta
 
Vigo, 21/9/2012
Chuza Menéame del.icio.us
compartir

O comité de Vitrasa traslada ao Concello de Vigo as protestas polo bloqueo nas negociacións do convenio

Os representantes dos traballadores/as permaneceron unha hora e media concentrados ás portas do consistorio
Os membros do comité de empresa de Vitrasa -a excepción dos representantes da UGT, que se desmarcaron das mobilizacións- trasladaron hoxe ao Concello de Vigo as protestas polo bloqueo nas negociacións do convenio colectivo da concensionaria do transporte urbano. Os representantes dos traballadores/as permaneceron concentrados por espazo dunha hora e media ás portas do consistorio para denunciar que a empresa se nega a aceptar calquera mellora social que supoña un incremento da masa salarial.

A protesta desenvolveuse fronte ao consitorio entre as 11.00 e as 12.30 horas, onde os delegados/as sindicais despregaron no lugar unha faixa reclamando un novo convenio colectivo. Neste senso, lembraron que tras once xuntanzas a dirección négase á subida salarial do 1% (uns 400 euros anuais lineais para cada traballador/as) “e só aceptaría introducir no acordo melloras sociais que non supoñan un incremento da masa salarial”.

Os representantes da CIG no comité de empresa indicaron que este último extremo “é imposíbel” xa que incluír, por exemplo, un descanso máis ou modificar o sistema de vacacións “traduciríase nu8n aumento do gasto en persoal”. Dende a central nacionalista indicaron tamén que os traballadores/as pretenden modificar o sistema de vacacións, para o que lle trasladaron dúas propostas á compañía que foron rexeitadas.

cig.prensa@galizacig.com