A patronal de instalacións deportivas ignora o requirimento da administración para sentar nunha mesa e reconducir o conflito

Na xuntanza celebrada na tarde deste luns 22 de febreiro, no Consello Galego de Relacións Laborais, a patronal de instalacións deportivas non se dignou sequera a presentarse, ignorando mesmo a chamada da administración se sentar nunha mesa para intentar reconducir o conflito. Os representantes dos traballadores/as consideran que con este plantón a patronal constata o seu desprezo por calquera caste de negociación e o tipo de empresarios que  a compoñen. Os representantes dos traballadores anuncian que continuarán as mobilizacións.

No decurso da xuntanza, sen a patronal, os representantes dos traballadores/as de instalacións deportivas explicaron ao Secretario Xeral de Traballo, Odilo Martiñá e ao Presidente do Consello Galego de Relacións Laborais a precariedade na que se atopa o sector e a situación actual.

Pola súa banda, tanto Martiñá como Fernández comprometéronse a seguir intentando abrir vías de diálogo entre as partes e a manter unha xuntanza só coa patronal para intentar desbloquear o conflito.

Os representantes dos traballadores afirmaron que con esta actitude a patronal “demostran quen son ao faltar mesmo a unha xuntanza convocada pola administración” e anunciaron a súa intención de continuar coas mobilizacións para exixir que se atenda ás súas demandas.