Concentración o sábado 20 no Porriño do persoal de Levantina consegue compromisos da corporación municipal no seu conflito

O persoal da empresa Levantina (antiguo grupo Graninter) concentráronse o sábado 20 de febreiro diante do concello de O Porriño para protestar pola pretensión da dirección da empresa de trasladar, forzosamente, a sete traballadoras/es de administración a Alacant, provincia na que se encontra a sede central do grupo, e onde xa se realizou un ERE e hai outro previsto para marzo. Despois desta mobilización tiveron diversas reunións nas que obtiveron o ocompromiso de mediar no conflito, asi como de solicitar o apoio da Consellaria de Traballo e Industria para evitar o desmantelamento desta firma en O Porriño.

Tres dos traballadores afectados por estes traslados forzosos son membros do comité de empresa, dúas compañeiras exercen o dereito de redución de xornada por coidado de crianzas menores, outra foi candidata da CIG nas eleccións sindicais, e a sétima é traballadora con contrato eventual.

Concentración no Concello

A concentración do sábado 20 de febreiro tivo lugar ás 12 da mañá, e aínda que estaba prevista unha manifestación, diante da acción de Subdelegación do Goberno, que denegou o permiso desta marcha, finalmente optaron pola concentración diante do concello, xa que estaban concertadas entrevistas, tanto co alcalde, Nelson Santos, como cos grupos municipais de BNG e PsdeG.

Entrevista co alcalde

O Comité de Empresa reuniuse co alcalde, Nelson Santos, a quen lle expuxeron a situación, e o medo ao desmantelamento, que comece pola parte da administración con estes despedimentos encubertos, mais que remate por afectar á produción da factoría, porque non teñen ningunha confianza non xestores actuais da empresa.

O alcalde comprometeuse a realizar o 22 de febreiro unha mediación cos empresarios, solicitando a suspensión da orde de traslado até que saian as resolucións xudiciais polas demandas presentadas polas traballadoras e traballadores afectados. Tamén reclamarán desde o Concello de O Porriño a mediación de Traballo e Industria neste conflito.

Ademais convocarase desde a corporación municipal un pleno extraordinario para sacar un posicionamento conxunto desta administración local.

O Comité tamén se reuniu co grupo municipal do BNG e co grupo municipal do PSdeG, que amosaron o seu apoio e solidariedade con estas traballadoras/es