Unha nova mobilización desde o Hospital Meixoeiro volve demandar unha sanidade pública galega

Nova concentración do persoal no H. Meixoeiro o luns 22 de febreiro ás 11h. Con boa participación a pesar do mal tempo, o persoal puido co temporal. No percorrido as traballadoras e traballadores entraron na lavandería "para pasar pola secadora" e continuar ao remollo no exterior.

A protesta estivo chea de cánticos e frases reivindicativas en contra da privatización da sanidade pública na área de Vigo, e volveu dar boa conta do amplo rexeitamento á tentativa de privatización da sanidade pública galega por parte do goberno autonómico do PP de Feijoo.

Continúan as mobilizacións

O martes 23 realizarase unha nova mobilización no Hospital Xeral ás 11h e o mércores 24 de febreiro haberá folga xeral de 24h no CHUVI con manifestación ás 20h dende o hospital Xeral ata o edificio da Xunta de Galiza na praza da Estrela.

Galeria gráfica da mobilización